“Нас усіх утрымліваюць у вялікай зале. Тут неверагодная сьпякота, але піць не даюць. Доўга не пускалі дзяўчат у прыбіральню, у некаторых пачалася істэрыка. Дамоў адпусьцілі толькі трох малалетніх дзяцей з бацькамі, якія прыйшлі паглядзець спэктакль. Дый тых папярэдне перапісалі. Абвінавачаньняў пакуль ня выставілі. Дый што яны могуць сказаць? Няўжо спэктакль у хатніх умовах – гэта злачынства?”, – сказаў Мікалай Халезін.
Тым часам Мікалай Халезін атрымаў на тэлефон паведамленьне, што міліцыянты пачалі ператрус у кватэры, якую зьнялі францускія госьці “Свабоднага тэатру”. “Мне вядома, што іх забралі адсюль і павезьлі ўдзельнічаць у ператрусе. Гэта тры акторы тэатру-студыі “Артфотвіль”. Што зь імі цяпер – мне невядома. Гэтаксама, як і з двума галяндцамі, якіх таксама затрымалі на спэктаклі. Іх спачатку адпусьцілі, а потым зноў затрымалі”, – паведаміў Мікалай Халезін.
“Свабодны тэатар”, якім ён кіруе, ня мае сваёй сцэнічнай пляцоўкі і дзяржавай не фінансуецца. За два гады існаваньня тэатру ў ім пастаўлена 7 п’ес, тэатр удзельнічаў у шэрагу фэстываляў. Сёлета “Свабодны тэатар” быў прыняты ў Эўрапейскую тэатральную канвэнцыю.
Тым часам Мікалай Халезін атрымаў на тэлефон паведамленьне, што міліцыянты пачалі ператрус у кватэры, якую зьнялі францускія госьці “Свабоднага тэатру”. “Мне вядома, што іх забралі адсюль і павезьлі ўдзельнічаць у ператрусе. Гэта тры акторы тэатру-студыі “Артфотвіль”. Што зь імі цяпер – мне невядома. Гэтаксама, як і з двума галяндцамі, якіх таксама затрымалі на спэктаклі. Іх спачатку адпусьцілі, а потым зноў затрымалі”, – паведаміў Мікалай Халезін.
“Свабодны тэатар”, якім ён кіруе, ня мае сваёй сцэнічнай пляцоўкі і дзяржавай не фінансуецца. За два гады існаваньня тэатру ў ім пастаўлена 7 п’ес, тэатр удзельнічаў у шэрагу фэстываляў. Сёлета “Свабодны тэатар” быў прыняты ў Эўрапейскую тэатральную канвэнцыю.
