Польшча адкрыла мяжу зь Беларусью. Прапаганда трыюмфуе

У дзень, калі Польшча адкрыла два памежныя пераходы з Беларусьсю — «Кузьніца – Брузгі» і «Баброўнікі – Бераставіца», дзяржаўная беларуская прапаганда выбухнула радаснымі рэпартажамі і эўфарычнымі водгукамі. Пасьля амаль трохгадовага закрыцьця беларуска-польскай мяжы на пунктах пропуску зноў пачуўся рух аўтамабіляў, а дзяржаўныя СМІ падалі гэтае адкрыцьцё як вялікую падзею для ўсёй краіны.
Уся гэтая раптоўная эўфарыя выглядае асабліва кантрасна на фоне папярэдніх гадоў, калі афіцыйная рыторыка пра Польшчу і Эўропу была зусім іншай.