СОНЕЧНА...
...і марозна. Тэмпэратура: -9 — -1 С.
НЕ ПРАХОДЗЬЦЕ МІМА:
Міжнародная спэцыялізаваная выстава "Паляваньне і рыбалоўства. Вясна-2010". Менск, вул. Янкі Купалы, 27.
ТАМ, ДЗЕ НАС НЯМА:
У Вашынгтоне Дзяржаўны дэпартамэнт ЗША публікуе штогадовую справаздачу аб правах чалавека ў сьвеце.
Прэм’ер-міністар Уладзімер Пуцін зь візытам у Індыі.
ТАКСАМА Ў ГЭТЫ ДЗЕНЬ:
У 1887 нарадзіўся беларускі паэт, клясык нацыянальнае літаратуры Алесь Гарун. Ён прыйшоў на сьвет у фальварку Новы Двор пад Менскам. Яшчэ непаўналетнім Гарун быў асуджаны за сваю рэвалюцыйную дзейнасьць і на 10 гадоў патрапіў на катаргу ў Сыбір. Вярнуўшыся, ён уключыўся ў бурлівыя падзеі, у якіх стваралася Беларуская Народная Рэспубліка. Аднак катарга падарвала ягонае здароўе, і ў 1920 годзе ён памёр ад сухотаў. Найлепшы зборнік паэзіі Алеся Гаруна называецца "Матчын дар".
У 1985 Міхаіл Гарбачоў быў абраны генэральным сакратаром ЦК КПСС, фактычным кіраўніком СССР. Дзейнасьць Гарбачова была зьвязаная зь перабудовай, дэмакратызацыяй і галоснасьцю, што ўрэшце прывяло да распаду савецкай імпэрыі.
ЁСЬЦЬ НАГОДА:
Дзень аднаўленьня незалежнасьці Літвы. 11 сакавіка 1990 году Вярхоўны Савет Літоўскай СССР прыняў акт, якім заявіў аб выхадзе рэспублікі са складу Савецкага Саюзу.
МІНУС 365:
Год таму на сайце Свабоды: "Беларускіх пісьменьнікаў прынялі ў эўрапейскую супольнасьць"
ЦЫТАТА НА ПАМЯЦЬ:
"Ты, мой брат, каго зваць беларусам,
Роднай мовы сваёй не цурайся;
Як ня зрокся яе пад прымусам,
Так і вольны цяпер не зракайся".
Алесь Гарун, 1910.
