Гэтую вэрсію пацьвердзілі спэцыялісты ўпраўленьня Дзяржаўнага камітэта судовых экспэртыз па Менскай вобласьці, піша Сьледчы камітэт Беларусі.
«Па выніках апэратыўна праведзенай судова-мэдыцынскай экспэртызы ўстаноўлена, што прычынай сьмерці зьявілася асфіксія з прычыны закрыцьця дыхальных шляхоў вадой пры ўтапленьні», — расказалі ў камітэце.
Сьледчы камітэт Беларусі даоей праводзіць праверку па факце гібелі 14-гадовага Максіма Зяньковіча
8 лістапада каля 10 гадзін хлопчык зьехаў на ровары ад дома дзядулі ў вёсцы Карбаўскае Бярэзінскага раёна, і зьнік. Сваякі зьвярнуліся ў праваахоўныя органы. Паводле Міністэрства ў надзвычайных сытуацыях, пошукі вяліся і зь зямлі, у тым ліку з сабакамі, і з паветра, з дапамогай квадракоптэраў. У выніку пошукаў 13 лістапада каля 15 гадзін цела дзіцяці без прыкмет жыцьця знайшлі ў балоцістай мясцовасьці паблізу вёскі Несцераўка.
Прызначаны яшчэ шэраг экспэртных дасьледваньняў.
