د دې اوونۍ "د مشال تر رڼا لاندې" بحث په بلوچستان کې د مزدورانو، په تېره بیا د سکرو په کانونو کې د کارکوونکو، وژنو ته ځانګړی شوی دی. وسلوالو د اکتوبر پر ۱۰مه شپې ناوخته د هغې صوبې په پښتون مېشته سيمه دوکۍ کې ۲۱ کانکيندونکي ووژل. په دوکۍ کې د هغې پېښې پر ضد احتجاج او کاربندیز وشو. دا په وروستیو کې د سکرو د کانونو مزدورانو د وژلو تر ټولو لویه پېښه بلل کېږي. خو څوک هغه مزدوران وژني؟ د دې او نورو پوښتنو د ځواب لپاره بشپړ بحث وګورئ
د مشال تر رڼا لاندې
وبښئ، دلته ۱۷ اکتوبر هېڅ و نه موندل شول. تر دې پخواني مطالب وګورئ.
چار شنبه ۱۶ اکتوبر ۲۰۲۴
د خيبر پښتونخوا پوليسو د پښتون ژغورنې غورځنګ (پي ټي اېم) د اکتوبر ۱۱مې جرګې د مخنيوي لپاره د رېګي للمه ميدان په خپله ولکه کې اخیستی دی. غورځنګ وايي چې د اکتوبر پر نهمه د پولیسو او د اېف سي ځواک سرتېرو په ډزو کې یې درې پلویان وژل شوي دي. د خیبر انتظامیې او پولیسو لا د پي ټي اېم دعوې په اړه څه نه دي ویلي. د ژغورنې ادارې رېسکیو ۱۱۲۲ یو چارواکی وايي چې په پېښه کې پینځه تنه ژوبل شوي ول. پي ټي اېم وايي چې امنیتي ځواکونو د اکتوبر پر نهمه شپې درې بجې د جرګې پر انتظامي کیمپ چاپه ووهله. له هغه وخت راهیسې په سیمه کې وضعیت ترینګلی دی. وفاقي حکومت وار له مخه پر غورځنګ بندیز لګولی دی او تر ۲۰۰ زیات غړي یې نیولي دي. پوښتنه دا ده چې ایا په داسې حالاتو کې به غورځنګ د اکتوبر ۱۱مې لویه جرګه وکړای شي او که نه؟ ځواب یې "د مشال تر رڼا لاندې" بحث کې درکوو.
