د کراچۍ ترهګرۍ ضد عدالت د ډېسېمبر پر ۱۴مه د وزيرستاني ځوان نقيب الله مسید د وژنې د مقدمې اورېدنه کړې چې پکې د مقدمې پخواني تحقيقاتي افسر تایید کړې چې د قتل پروخت پوليس افسر راو انور موجود وو. نقيب مسید درې کاله وړاندې د حراست په دوران کې وژل شوی وو چې وروسته يې له عدالت پرته د وژلو تور د هغه وخت پر پوليس افسر راو انوار پورې شو. د هغه د مقدمې درې کاله پوره شوي خو لا هم وروستۍ نتيجې ته نه ده رسېدلې. د مقدمې د ورو والي ممکنه لامل څه کېدای شي او د نقيب مسيد تر وژنې وروسته په کراچۍ کې د پوليسو له خوا د خلکو له عدالت پرته د وژلو پېښې پر څه حال دي؟ دا او نورې پوښتنې د مشال تر رڼا لاندې کې څېړل شوې دي.
د مشال تر رڼا لاندې
وبښئ، دلته ۲۰ دسمبر هېڅ و نه موندل شول. تر دې پخواني مطالب وګورئ.
چار شنبه ۱۵ دسمبر ۲۰۲۱
د ډېسېمبر پر درېيمه نېټه د پاکستان په سيالکوټ ښار کې بلوه ګرو بې له څه ثبوته يو سريلنکايي وګړی پريانتا کمار په وهلو ټکولو تر وژلو وروسته سوځولی وو. نوموړی له تېرو لسو کالونو راهيسې په راجکو نومې کمپنۍ کې منيجر وو. يو بهرنۍ وګړی په داسې حال کې وژل شوی چې پاکستان له اقتصادي مشکلاتو سره مخامخ دی او هڅه کوي چې بهرني پانګه وال په هېواد کې سرمايه کارۍ ته وهڅوي. پوښتنه دا ده چې په يوه کارخانه کې د يوه بهرني وګړي وژنه نړيوال پانګه والو ته څه پېغام ورکړي او دا به د سرمايه کارۍ له پلوه پر پاکستان کوم ممکنه اغېز وکړي؟ دا او نورې پوښتنې د مشال تر رڼا لاندې کې بحث شوې دي.
