د خيبر پښتونخوا په قبايلي ضلعو کې د وسله والو پرضد د يو شمېر پوځي عملياتو سربېره هم هدفي وژنې دوام لري. شمالي وزيرستان هغه سيمه ده چې پکې تر ټولو زیات ولسي وګړي په نښه شوي دي خو اوس دا لړۍ په باجوړ کې هم تېزه شوې ده. په قبايلي ضلعو کې چې کله هم بېګناه خلک وژل شوي نو په خلاف يې ځایي ولس مظاهره یا پرلت وهلی دی. خو داسې ليدل شوي چې حکومت احتجاجيانو سره تړون وکړي يا ډاډ ورکړي چې د هدفي وژنو مخنيوي به کوي او په پېښو کې ککړ کسان به نیسي خو چې کله احتجاج ختم شي نو له دې وروسته بیا هدفي وژنې وشي او خلک بیا احتجاج پیل کړي. پوښتنه دا ده چې د ولسي وګړو د وژنو درولو په لړ کې ولسي احتجاجونه نتيجه ولې نه ورکوي؟ دا او نورې پوښتنې د مشال تر رڼا لاندې بحث کې څېړل شوې دي.
د مشال تر رڼا لاندې
وبښئ، دلته ۲۹ نومبر هېڅ و نه موندل شول. تر دې پخواني مطالب وګورئ.
چار شنبه ۲۴ نومبر ۲۰۲۱
د پاکستان د قامي اسمبلۍ او سېنېټ ګډې غونډه ته د نومبر پر ۱۷مه نېټه يوشمېر قانوني مسودې د منظورۍ لپاره وړاندې شوې چې پکې په انتخاباتو کې د اليکټرانيکي مشين د استعمال هغه هم شامل وو. په پارلماني چارو کې د وزیراعظم سلاکار بابر اعوان د ۲۰۱۷ز کال انتخابي قانون کې د ترميم بل وړاندې کړ چې تر رايې اچونې وروسته منظور شو. حزب اختلاف تور پورې کوي چې د عمران خان حکومت د دې قانون له لارې په راتلونکو انتخاباتو کې درغلي کول غواړي خو حکومت وايي چې په هېواد کې د شفافه ټاکنو لپاره يې دا قانون منظوروي. د پارلمان دغې غونډې ته کارپوهان ډېر ارزښت ورکوي او وايي چې دا به ښايي د دې هېواد پر راتلونکې سياسي منظرنامه ژور اثر وکړي. د مشال تر رڼا لاندې بحث کې له کاپوهانو سره او نورې پوښتنې بحث شوې دي.
