ډونالډ ټرمپ تېره شپه د کانګرس دواړو جرګو ته په لومړنۍ وینا کې د بهرني او کورني سیاست مهم اړخونه را وسپړل او ادعا یې وکړه چې امریکا یې په ښه لوري روانه کړې ده. د هغه د خبرو پر مهال ډیموکراتانو اعتراض هم کاوه چې ترڅ کې یې د کانګرس یو ډیموکرات غړی له غونډې و ایستل شو.
اوکراین سره د امریکا د متحدو ایالتونو د پوځي مرستو له ځنډېدو وروسته دا پوښتنه را ولاړه شوې چې ایا اروپا کولای شي په اوکراین کې د امریکا د مرستو تشه ډکه کړي؟ خپله په اروپا کې یوشمېر هېوادونه لکه هنګري له اوکراین سره د مرستې ملاتړ نه کوي.
د سپینې ماڼۍ یوه چارواکي تېره شپه وویل چې متحدایالات له اوکراین سره ټولې پوځي مرستې ځنډوي او له څېړنې وروسته به دا خبره یقیني کړي چې آیا دا مرستې د اوکراین د جګړې له حل سره مرسته کوي که نه.
یوه موټر چلوونکي د دوشنبې په ورځ د جرمني په سویل لویدیځ منهایم ښار کې د خلکو په ګڼه ګوڼه کې په موټر دوه کسان وژلي او ۱۱ نور کسان یې ټپیان کړي دي.
د بریټانیا صدراعظم وایي چې د امریکا ملاتړ په اوکراین کې د سولې د راوستلو لپاره اړین دی. کایر سټارمر چې یکشنبه په لندن کې د اوکرایین د ملاتړ لپاره د یوې غونډې کوربه وو، وویل چې اروپا به له اوکراین سره پوځي ملاتړ ته دوام ورکړي او پر روسیې به بندیزونه زیات کړي تر هغه چې دوامداره سوله او امنیت راشي.
د بریټانیا صدراعظم کایر سټارمر ویلي هېواد یې د اوکرایین دوامداره ملاتړ ته متعهد دی. ښاغلي سټارمر شنبه ماښام د اوکرایین له ولسمشر ولودومیر زیلنسکي سره لیدلي. تمه ده چې د یکشنبې په ورځ په لندن کې د اوکرایین په اړه د اروپايي هېوادونو سرمشریزه جوړه شي.
د اروپا مشران دوه ورځې وروسته له دې د اوکراین په اړه په یوه سرمشریزه کې راغونډیږي چې د اوکراین ولسمشر ولودویمیر زیلینسکي د واشنګټن سفر نیمګړی پریښود او ولسمشر ډونالډټرمپ دی تورن کړ چې سوله نه کوي او جګړه غواړي.
د اوکراین له ولسمشر ولودیمیر زیلینسکي سره د ولسمشر ډونالډټرمپ کتنه پرون وروسته له هغه نیمګړې پاتې شوه چې د دواړو مشرانو ترمنځ په سپینه ماڼۍ کې د کتنې پرمهال له ناندریو وروسته لفظي شخړه وشوه او په دې پسې د دواړو مشرانو ګډه خبري غونډه هم کنسل شوه.
ټاکل شوې چې د اوکراین ولسمشر ولودومیر زیلینسکي واشنګټن ته په سفر کې نن په سپینه ماڼۍ کې له ولسمشر ډونالډ ټرمپ سره وګوري. تمه ده چې دواړه ولسمشران به هغه تړون لاسلیک کړي چې متحدو ایالتونو ته د دې اجازه ورکوي چې د اوکراین کاني زیرمو ته لاسرسی ولري.
د سویلي کوریا استخباراتو د فیبرورۍ په ۲۷مه وویل چې شمالي کوریا روسیې ته نور سرتېري استولي او یو شمېر یې بېرته د اوکراین پولې ته نږدې، د کورسک سیمې د جګړې لومړۍ کرښې کې ځای پر ځای شوي.
متحده ایالاتو او اوکراین د یوې مسودې پر شرایطو موافقه کړې چې له مخې به یې واشنګټن د کیف د ملاتړ په بدل کې د اوکراین معدني سرچینو ته لاسرسی ومومي.
نور راوښيه
