د خوړو نړیوال پروګرام وايي، په افغانستان کې د انفلاسیون کچه مخ په لوړېدو ده او ډیری هغه افغانان چې له پاکستانه ستانه شوي بیړنیو بشري مرستو ته اړتیا لري. ډبلیو ایف پي په خپل میاشتني راپور کې ویلي د متحده ایالاتو د بشردوستانه مرستو ځنډ د افغانستان د زيانمنو وګړو د خوراکي خونديتوب لپاره ستر ګواښ دی.
د ملګرو ملتونو سازمان، امریکا او اروپايي ټولنې د اوکراین په شمال کې پر سومي ښارګوټي د روسیې مرګونی برید غندلی. یکشنبه د روسیې په دوو توغندیزو بریدونو کې د سومي ښار شاوخوا ۳۴ اوسیدونکي ووژل شول او ۱۱۷ نور ټپيان شول.
د کرېکټ نړیواله شورا وايي د افغانستان د کرکټ د ښځینه لوبغاړو د ملاتړ لپاره ځانګړې کاري ډله او مالي صندوق رامنځته کوي.
یو شمېر زده کوونکي او کورنۍ یې وایي، د طالبانو حکومت یې یونیفورم بدل او جبري کړی دی.
په واشنګټن کې د امریکا-اسلامي اړیکو شورا د ولسمشر ډونالډ ټرمپ د ادارې پر هغه اقدام کلکې نیوکې کړي چې له مخې یې د افغانستان او کامرون د زرګونو اتباعو لپاره د "لنډمهاله محافظتي استوګنې" یا "ټيپياېس پروګرام لغوه کړی دی.
د پاکستان دولتي راډیو وايي، د صدراعظم دفتر د اپرېل پر ۱۳مه په بیان کې ویلي: "د ایران حکومت باید سمدستي" په وژنو کې "ککړ کسان ونیسي، هغوی ته سخته سزاورکول باوري کړي او د دې ظالمانه کار تر شا وجوهات په ډاګه کړي."
په افغانستان کې د طالبانو حکومت له خوا ورستیو اعدامونو ته تر پراخو نړیوالو غبرګونونو ورسته د طالبانو مشر ملا هبت الله د ده په خبره قصاص د شریعت یو امر بللی او پر عملي کېدو یې ټینګار کړی دی. د طالبانو حکومت د اپریل په لسمه د افغانستان په بېلابېلو ولایتونو کې ۴ کسان په عام محضر کې اعدام کړل
په پاکستان کې میشت یو شمیر افغان کډوال وايي، د کډوالو د اېستلو د غیر منظم اقدام له امله یې کورنۍ ویشل شوي دي. دوی ازادي راډیو سره خبرو کې زیاته کړه چې د بېلابیلو کورنیو غړي نیم په پاکستان کې پاتې دي او نیم افغانستان ستانه کړل شوي دي.
نور راوښيه
