Чейрек кылым башкарган Башар Асаддын режими кулап, өзү үй-бүлөсү менен Орусиядан башпаанек тапты. Асаддын авторитардык режиминин кулашы жана бул жердеги окуялардын сабагы кайсы? Эми Сириянын келечеги кандай болот? Бул өлкөдөгү кырдаал аймактын коопсуздугуна кандай таасир этет? АКШнын Сан-Диего университетинин профессору, саясат таануу илимдеринин доктору Ахмет Куруну "Азаттык" кепке тартты.
Кыргызстан
дүйшөмбү 16 Декабрь 2024
Министрлер кабинетинин төрагасы Акылбек Жапаров кызматтан кетип, анын милдетин биринчи орун басары Адылбек Касымалиев убактылуу аткара турган болду. Бул жагдайды Салык кызматынын жетекчилигинин кармалышы менен байланыштыргандар да болууда.Израил армиясынын Газага жасаган аба соккуларынан 50дөн көп адамдын өмүрү кыйылды. Израил ошондой эле коңшу Сириядагы оккупацияланган Голан дөңсөөлөрүндөгү жөөт конуштарынын санын эки эсе көбөйтүүнү чечти. Украина Орусиянын Курск облусунда кеминде 30 түндүк кореялык аскер каза болгонун же жараат алганын билдирди. Түндүк кореялык бөлүктөр үч тилкеде “олуттуу жоготууларга” кабылганы айтылууда.
