Кылмыш дүйнөсүнүн анабашы Камчыбек Көлбаев тил кат менен абактан чыкты. Ал былтыр октябрда кармалганда абакта дасторкон жайып тосуп алышкан видео тараган. Нур-Султанда Садыр Жапаров менен Касым-Жомарт Токаев кыргыз-казак алакасын талкуулашты. Бишкек аскердик-техникалык жардам ала турган болду.
Орусияда күйүүчү май кымбаттап, Казакстандан мунай экспорту токтогону үчүн Кыргызстанда бензиндин баасы көтөрүлдү. Экс-президент Сооронбай Жээнбековдун кудасы Алиярбек Абжалиевге каршы УКМК териштирүү баштады. Депутаттын өзү муну"Азаттыкка" "куру доомат" деп баалады.
Кыргызстанда коронавируска каршы эмдөөнүн биринчи этабы март айында башталат. Өлкө боюнча СОVID-19га каршы эмдөөнү ишке ашыра турган ондогон дарыгерлер окутулду. Бишкектеги Республикалык иммунопрофилактика борбору ушул тапта вакцинаны туура сактоого даярданып жатат.
Кошмо Штаттарда коронавирустан көз жумгандардын саны жарым миллионго чамалады. Ал эми дүйнөдө бул илдеттен ажал тапкандардын саны эки жарым миллионго чукулдады.
Адистер калктын 70% эмделсе, пандемияны ооздуктаса болорун айтышат. Кыргызстанда коронавируска каршы эмдөөгө даярдык кандай жүрүп жатат? Жөнөкөй адамдар эмделүүгө канчалык дилгир, кыска мөөнөттө иштелип чыккан препараттарга элдин ишеними кандай?
Кыргызстанда пневмонияга чалдыккан балдардын саны январь-февраль айында көп катталууда. Бишкектеги Эне жана баланы коргоо улуттук борбору кошумча 150 орун ачып, азыркы тапта анын баары толгон. Ошондой эле коронавирус, ага кошумча Кавасаки синдромуна окшош илдеттер да катталууда.
Дүйнөнү тооруган коронавирус Кытайдагы лабораториядан тараган эмес. Мындай жыйынтыкка Дүйнөлүк саламаттык сактоо уюмунун эксперттери баштаган топ Ухань шаарында иликтөө жүргүзгөндөн кийин келди. Адистер вирус адам баласына жаныбардан жуккан деп эсептешет.
Бажы кызматынын жетекчисинин мурдагы орун басары Райымбек Матраимовдун иши сотто карала баштады. Ал коррупцияга айыпталып, казынага 2 млрд сомду төлөп берген. Бишкек мэринин милдетин аткаруучу Балбак Түлөбаев кызматтан кетти.
Дагы жүктөңүз
