Эльза Токтобаева Чолпон-Ата шаарынын тургуну. 50 жылдан бери жылдын кайсы мезгили болбосун көлгө түшүп, көнүгүүлөрдү жасап, ден соолугуна кам көрөт. Ал ушул тапта 21 км марафонго даярдык көрүп жүрөт. 68 жаштагы каарманыбыз Ысык-Көлгө, жаратылышка кам көрүп, шаар тургундарына жардам берүүгө даяр.
Быйыл эки айда төрт аял төрөттөн ажал таап, 14 бала энесиз калды. Жыл башында 21 жаштагы келин төрөт үйүндө жыгылып, дарыгерлер курсактагы ымыркайды дагы, энени дагы сактап кала алган эмес. Көп өтпөй эгиз төрөгөн 22 жаштагы келин көз жаргандан төрт күндөн кийин ооруканада каза болду.
Технология өнүккөнү психологияда санарип көз карандылык түшүнүгү пайда болду. Бирок медицинада азырынча мындай диагноз жок.
Өткөн аптанын аягында Ош облустук психиатрия жана наркология борборунун дарыгерлерин бейтаптын жакындары сабаган. Ушундай эле окуя Бишкекте да катталып, медкызматкерлер менен бейтаптардын мамилеси талкууга түштү. Былтыр сентябрда Кара-Суу районунда "Тез жардам" догдурларына да кол салуу болгон.
Дохада Азия кубогу финалдык баскычына жетти. Бул жолку мелдеш сенсацияга бай болду. Өзбекстандын жана Тажикстандын командалары чейрек финалга жетти. Кыргызстан тайпадан чыга албаган сегиз команданын бири болуп калды. Азия кубогунун кыргыз футболу үчүн сабагы кандай? “Азаттык” Катардан баяндайт.
Мадина Касымова төрт баланын энеси. Жалгыз бой аял Бишкектин четиндеги эски үйдүн бир бөлмөсүндө балдарын чоңойтууда. Өзү балдар үйүндө өскөн Мадина жашы бир топ улуу кишиге турмушка чыгып, бирок төрт наристеси менен ажырашып кеткен.
Сузактын Багыш айылында аялдар үчүн фитнес зал ачылды. Ушул тапта 20га чукул кыз-келин, аялдар машыгып жатышат. Бул жерге келгендер аз да болсо күнүмдүк түйшүктү унутуп, ден соолуктарына кам көрсөк дешет.
Кыргызстанда соңку жылдары жүрөк-кан тамыр жана инсульт илдетине чалдыккандардын саны көбөйгөнү айтылууда. Дарыгерлердин маалыматында, эрезеге жеткен ар бир экинчи кыргызстандыктын кан басымы жогору.
Алардын ичинен эң көбү эмчек рагына чалдыккандар. Алсак, 2022-жылдын ичинде 684 айымдан бул дарт табылган. Эмне үчүн эмчек рагы көп катталып келет? Бул илдетке чалдыккан айымдар көбүнесе кандай ката кетиришет? Бул чыгарылышта зыяндуу шишик менен кошо тооруган көйгөйлөргө токтолобуз.
Кыргызстандын Саламаттык сактоо министрлиги 2023-жылы 22 миң киши эмдөөдөн баш тартканын билдирди. Өткөн жылдан бери кызамык күч алып, эки жылда тогуз бала чарчап калды. Вакцинадан баш тарткандардын көбү мындай чечимге диний түшүнүктөн улам барганы айтылат. Дүйнөдө да оору жайылып баратат.
Катарда өтүп жаткан футбол боюнча Азия кубогунун тайпалык баскычында Кыргызстандын улуттук курама командасы Сауд Арабиясынын оюнчулары менен беттешип, 0:2 эсебинде жеңилди. "Акшумкарларды" сүрөгөн күйөрмандар Эр-Райян шаарындагы Ахмед бин Али стадионун шаңга бөлөдү.
Дагы жүктөңүз
