Талас облусундагы 1976-жылы ишке берилген Киров суу сактагычында быйыл суунун көлөмү эң төмөнкү чекке түштү. 550 млн метр куб суу баткан суу сактагычка топтолгон суунун 80% коңшу Казакстан, 20% Кыргызстан колдонот.
Кыргызстандык хоккейчи Султан Исманов канадалык "Нортумберленд Старс" хоккей командасы менен бир жылга келишим түздү. Исманов Кыргызстандын хоккей боюнча улуттук курама командасынын оюнчусу жана хоккей боюнча Дүйнө чемпионатынын III дивизионунун эки жолку чемпиону.
Орусиядан бир катар дүйнөлүк ири бренддердин чыгып кетиши Кыргызстандагы тигүү тармагынын өсүшүнө негиз берүүдө. Тармактын кирешеси былтыр 9,5 млрд сомдон ашкан.
Чүйдүн Лебединовка жана Көк-Жар айылынан жер тилкесин алган жүздөй тургун жер мунапысына байланыштуу 10-августта облустук акимчиликтин алдына митингге чыкты. Алар "жер мунапысы тууралуу мыйзам тандалма жүрүп жатат" деп нааразы болууда.
Ысык-Көлдүн тескей жээги илгертен эле кол өнөрчүлөрү, усталары, салттуу маданияттын сактоочулары менен таанымал. Аймакта акыркы жылдары ошол салттуу кол өнөрчүлүктү этно-стилдеги конок үйлөргө колдонуп, ишкердикке өткөн айымдардын саны артты.
Бишкекте быйыл таза суу тартыштыгы өзгөчө курч болду. Жакында эле Селекция айылынын жана Сары-Өзөн жаңы конушунун тургундары суу талап кылып акцияга чыгып, жолду буугандан кийин жергиликтүү эки тургун жана акцияны чагылдырган блогер Эртай Искаков эки айга камалды.
Таза суу талап кылган акцияга байланыштуу кармалган Эртай Искаков, Бакыт Балбаев жана Бактыбек Бекболотовду Чүй облустук соту абакта калтырды. Бир канча убакыт суудан мукураган Селекция айылынын жана Сары-Өзөн жаңы конушунун тургундары 14-июлда Бишкектеги Жайыл Баатыр көчөсүн тоскон эле.
Баткенде Лейлектин эң четки Көк-Таш айылында аялдардын футбол мелдеши өтүүдө. Топ кубалаган айыл спортчуларын күйөрмандар кызуу сүрөп жатышат.
Дагы жүктөңүз
