Түркияда сот Стамбулдун мэри Экрем Имамоглуну камакка алууга санкция берди. Имамоглунун кармалышы өлкөдө акыркы он жылдагы эң чоң толкундоолорго алып келди. Аны колдогон митингде 300дөн ашуун киши кармалганы кабарланды. Мэр 19-мартта кылмыштуу топту жетектөө жана коррупцияга айыпталып кармалган.
Орус армиясынын катарында согушуп, Украинада туткунга түшүп калганын айткан кыргызстандыктын видеосу интернетке жарыяланды. Ата-энеси кыргыз бийлигине кайрылып, уулун Украинадан экстрадициялоого жардам сурап, чет элдеги согушка катышканы үчүн жазасын мекенинде өтөсүн дешет.
Кыргызстанга мындан 100 жыл мурда Европадан “Интергелпо” кооператив уюму келген. Чех, словак, мажар, украин, русин ж.б. улуттардан куралган кооператив мүчөлөрү Кыргызстанда өнөр жай, курулуш тармагынын түптөлүшүнө чоң салым кошкон.
Дүйнөнүн бир катар өлкөлөрүндө Нооруз белгиленип жатат. Кыргызстандын Бишкек, Ош баш болгон шаарларында, аймак, айылдарда да майрам түрдүү оюн-зоок менен коштолду. Ошто быйыл Нооруз президент Садыр Жапаровдун катышуусунда өттү. "Азаттык" Бишкек, Ошто тартылган сүрөттөрдүн айрымдарын топтоду.
Бириккен Улуттар Уюмунун Адам укуктары боюнча жогорку комиссары Фолкер Түрк Бишкектеги маалымат жыйында Кыргызстандагы адам укуктарынын абалына камтамачылыгын билдирди. Ал өлкөдө топ активисттердин жана журналисттердин камалганын, айрым медиаларга чектөөлөр болгонун айыптады.
Жогорку Кеңеште парламенттик шайлоону өзгөртүү боюнча мыйзам долбоору биринчи окууда каралып, кабыл алынды. Мында өлкө боюнча 30 шайлоо округу түзүлүп, анын ар биринде үчтөн депутат шайланат.
19-мартта Жогорку Кеңештин жыйынында депутаттар кыргыз-тажик чек арасы боюнча келишимди ратификациялоо жөнүндөгү мыйзам долбоорун үч окууда бир карады. Добуш берүүгө катышкан 85 депутаттан бирөө гана - Султанбай Айжигитов каршы болуп, калганы макул деп добуш берди.
Кыргызстанда активисттер омуртка булчуң атрофиясы менен ооруган балдарга каражат чогултуу өнөктүгүн жүргүзүп жатат.
15-мартта Жалал-Абад шаарында тротуарда бараткан үй-бүлөнү сүзүп, качып кеткен айдоочу эки айга камака алынды. Жол кырсыгында төрт жашар кыздын өмүрү кыйылып, үч жаштагы наристе ооруканага түштү.
Евробиримдиктин эл аралык өнөктөштүк боюнча комиссары Йозеф Сикела Борбор Азия өлкөлөрүн кыдырып жүрөт. 17-мартта ал президент Садыр Жапаров жана башка кыргыз бийлигинин өкүлдөрү менен жолугушту. "Азаттык" радиосу Йозеф Сикелага бир нече суроо узатты.
"Бишкекбашкыархитектура" шаардын чок ортосундагы "Кыргызтелекомдун" башкы имараты бузулуп, анын ордунда көп кабаттуу машина токтоочу жай курулат деген маалыматты четке какты.
Орус күчтөрү украин аскерлерин Курск облусунан толук сүрүп чыгарууга аракет кылып жатканы кабарланды. Киев Курскидеги күчтөрү курчоодо калганын четке кагууда. Ал арада Европа өлкөлөрү Украинада ок атышууну токтотуу маселесин талкуулашты.
Дагы жүктөңүз
