Өткөн аптада “Клооп” жана журналист Болот Темиров Бишкектеги ири “Мадина” базары жөнүндө биргелешкен иликтөө чыгарган. Анда экс-депутат Турсунтай Салимовдун “Мадина” базары бийликке жакын адамдарга катталган компанияларга өтүп кеткени белгиленген. Президенттик администрация аны четке какты.
Бишкек мэриясы “Дордой” жана “Орто-Сай” базарларындагы 8 гектар жер сот чечими менен мамлекетке өткөрүлгөнүн билдирди. Ал жерге ээлик кылып келген “Оберон” ишканасынын ээси, саясатчы Кубатбек Байболовдун жубайы Нуржамал Байболова менчик укугу бузулуп жактанын айтып, сот чечимин мыйзамсыз деп атады.
Чүйдүн Кайыңды шаарындагы кант заводго кызылча тапшырууга 200дөй жүк ташуучу автоунаа кезекте турат. Айдоочулар завод иши жай болуп, жолдо кезек сакталбай жатканына даттанууда.
Бишкекте орто жана чакан ишкердик менен алектенген бир нече киши "товардын электрондук эсеп-фактурасы жок" деген себеп менен жүз миң сомдон ашуун төлөөгө милдеттендирген билдирүүлөр келгенин айтып, президентке жана Министрлер кабинетине кайрылуу жолдоду.
Чүйдүн жака белиндеги айылдарда, жайкысын талаа жумуштарында жалданып иштеген бир нече топтор бар. Алардын көпчүлүгү аялдар. “Данистенин” бул жолку чыгарылышында Сары-Өзөндүн кең талаасында аптапка карабай керелден-кечке жаны тынбай иштеп, жалданма жумуш менен жан баккандар тууралуу айтып беребиз.
Ушул күндөрү Кыргызстандын аймактарында оруп-жыйноо мезгили кызып турган учур. Эл эгин чаап, малга тоют камдап жатат. Бул кезде комбайнчы менен тракторчуларда тыным жок. «Данисте» берүүсүнүн кезектеги каарманы - Жумгал районунун Эпкин айылынын 70 жаштагы тургуну Жамила Тойчубекова.
Кыргызстанда соңку жылдары балык өстүрүү кадыресе бизнеске айланды.
“Бир айыл - бир продукт” долбоорунун алкагында Кыргызстандын айыл-аймактарында жашаган жигердүү жарандар чакан ишкерликти башташууда. Бири чучукту ыштап, сый тамактын жаңы түрүн жасап жатса, башкасы сүзмөнү түрдүү өсүмдүктөрдүн аралашмасы менен кайнатып, кыям чыгарууда.
Электрондук коштомо кагазды (ЭТТК) жана электрондук эсеп-фактураны (ЭЭФ) колдонууга каршы чыккан “Дордой Дыйкан”, “Ош базары” жана “Азиз” базарынын соодагерлери 12-июнда Бишкектеги Горький гүл багында нааразычылык акциясына чыгышты.
Кыргызстанда 1-июлдан баштап бардык соода иштеринде милдеттүү түрдө ККМ колдонулушу керек.
Президент Садыр Жапаров Кыргызстанда жумушчу күчү жетишпей жатканы жөнүндө кайрылуу жасап, соңку эки жылда айрым кийим тигүү, курулуш компанияларынын иши токтой баштаганын билдирди. Жүздөгөн жарандары миграцияда жүргөн Кыргызстанда эмнеге жумушчу күчү жетишпей жатат?
Жогорку Кеңеште сүттүн баасына байланыштуу маселе дагы көтөрүлдү. Парламенттин соңку жыйынында депутат Акылбек Түмөнбаев өкмөт сүттүн баасын 40 сомдон кем болбосун деген шарт каралган токтомду аткарбай жатканын айтып, келерки аптада буга байланыштуу талкуу уюштурууну сунуштады.
Дагы жүктөңүз
