Москва талаптарын күчөткөндөн улам жүздөгөн кыргызстандык жүк ташуучу автоунаалар казак-орус чегинде такалып калган. Кыргыз өкмөтү бул жагдай ишкерлер Евразия экономикалык биримдигиндеги эрежелерди сактабаганынын айынан чыкканын, маселени жөнгө салуу аракеттери көрүлүп жатканын билдирүүдө.
Изилдөөчүлөр байыркы жылкы тукуму саналган кыргыз жылкысы жоголуу коркунучунда экенин айтууда.
Кыргызстандын өрөөндөрүндө элдин негизги тиричилиги төрт түлүккө байланган. Өлкөдөгү мал базарлар күүлдөп иштеп, андагы соодагерлер аймактарды кыдырып, сооданы кызытат. “Данисте” базарда соодагерлик кылган Токтобүбүбү Токтоматова тууралуу баяндайт.
Баткенде кургатылган өрүктүн негизги бөлүгү Өзбекстан, Тажикстан менен чек арага жакын турган Кара-Бак айылында өрүк базарында соодаланат. Бирок акыркы жылдары чек ара жабылганынан улам Тажикстандан кардарлар келбей, соода кызыбай турат.
Өлкө өндүрүшүн өргө тартат деп түзүлгөн "Кыргызиндустрия" ишканасынын мурдагы жетекчилери "коррупцияга" айыпталып камалганы өкмөттүн ири каражат сарптаган башка долбоорлорун эске салды.
Президент Садыр Жапаров өлкөнүн салык саясатына байланыштуу жаңы жарлыкка кол койду. Ага ылайык, автотранспорт салыгы жоюлуп, жер салыгы боюнча мораторий 2030-жылга чейин узарып, электрондук товардык-транспорттук коштомо кагазды (ЭТТК) жөнөкөйлөтүү боюнча сунуш иштелип чыгат.
2024-жыл Кыргызстанда саясат кызыган жылдардын бири болду. Жыл ичиндеги саясий окуяларды анализдеп, оппозиция, камоолор, саясий жүрүштөргө көз чаптыралы.
Кыргызстанда Арашан тукумундагы койлордун баасы асман чапчып, 50 миң доллардан өйдө сатылган учурлар бар.
Кыргызстанда Абхазия, Армения жана Орусиянын номуру менен жүргөн автоунаалардын мыйзам бузуусун аныктоо үчүн текшерүү уланып, учурда 300дөн ашык машине айып жайына токтотулду.
Орус рублинин артынан казак валютасы да кунун жоготуп жатат. Теңгенин нарксызданышы коңшу өлкөдө калкты кабатыр кылууда. Талдоочулар казак бийлиги улуттук валютанын наркын кармап туруу үчүн Орусиядан импорттолчу товарга тарифтик эмес чектөөлөрдү киргизүүнү сунуштайт.
Өткөн аптада “Клооп” жана журналист Болот Темиров Бишкектеги ири “Мадина” базары жөнүндө биргелешкен иликтөө чыгарган. Анда экс-депутат Турсунтай Салимовдун “Мадина” базары бийликке жакын адамдарга катталган компанияларга өтүп кеткени белгиленген. Президенттик администрация аны четке какты.
Бишкек мэриясы “Дордой” жана “Орто-Сай” базарларындагы 8 гектар жер сот чечими менен мамлекетке өткөрүлгөнүн билдирди. Ал жерге ээлик кылып келген “Оберон” ишканасынын ээси, саясатчы Кубатбек Байболовдун жубайы Нуржамал Байболова менчик укугу бузулуп жактанын айтып, сот чечимин мыйзамсыз деп атады.
Дагы жүктөңүз
