Кыргызстанда Арашан тукумундагы койлордун баасы асман чапчып, 50 миң доллардан өйдө сатылган учурлар бар.
Парламент депутаты Чыңгыз Айдарбеков мамлекеттик ипотекалык батирлердин кезеги боюнча айрым жарандар арасында нааразычылык жаралганын айтып чыкты. Мамлекеттик ипотекалык компания айрымдарга кезекке турууда социалдык абалына жараша артыкчылык берилгенин түшүндүрдү.
Орус рублинин артынан казак валютасы да кунун жоготуп жатат. Теңгенин нарксызданышы коңшу өлкөдө калкты кабатыр кылууда. Талдоочулар казак бийлиги улуттук валютанын наркын кармап туруу үчүн Орусиядан импорттолчу товарга тарифтик эмес чектөөлөрдү киргизүүнү сунуштайт.
Өткөн аптада “Клооп” жана журналист Болот Темиров Бишкектеги ири “Мадина” базары жөнүндө биргелешкен иликтөө чыгарган. Анда экс-депутат Турсунтай Салимовдун “Мадина” базары бийликке жакын адамдарга катталган компанияларга өтүп кеткени белгиленген. Президенттик администрация аны четке какты.
Сооронбай Жээнбековдун президенттик аппаратынын жетекчисинин мурдагы орун басары Алмамбет Салиев кайра камалды. 25-cентябрдан бери камакта жаткан "Эмаком" курулуш компаниясынын негиздөөчүсү, экс-депутат Эмилбек Жусупов Салиевге каршы көрсөтмө бергени айтылууда.
Чүйдүн жака белиндеги айылдарда, жайкысын талаа жумуштарында жалданып иштеген бир нече топтор бар. Алардын көпчүлүгү аялдар. “Данистенин” бул жолку чыгарылышында Сары-Өзөндүн кең талаасында аптапка карабай керелден-кечке жаны тынбай иштеп, жалданма жумуш менен жан баккандар тууралуу айтып беребиз.
Ушул күндөрү Кыргызстандын аймактарында оруп-жыйноо мезгили кызып турган учур. Эл эгин чаап, малга тоют камдап жатат. Бул кезде комбайнчы менен тракторчуларда тыным жок. «Данисте» берүүсүнүн кезектеги каарманы - Жумгал районунун Эпкин айылынын 70 жаштагы тургуну Жамила Тойчубекова.
Кыргызстанда соңку жылдары балык өстүрүү кадыресе бизнеске айланды.
“Бир айыл - бир продукт” долбоорунун алкагында Кыргызстандын айыл-аймактарында жашаган жигердүү жарандар чакан ишкерликти башташууда. Бири чучукту ыштап, сый тамактын жаңы түрүн жасап жатса, башкасы сүзмөнү түрдүү өсүмдүктөрдүн аралашмасы менен кайнатып, кыям чыгарууда.
10 жылдан ашуун Орусияда миграцияда жүргөн Тынарбек Туралиев кичи мекени Таласка келип, кулпунайдын түрүн өстүрө баштаган. Учурда 1 гектардан ашык жерге кулпунай эгип, түшүмүн күтүп жаткан чагы. Бирок быйыл анын баасы жылдагыга салыштырмалуу арзан алынып жатат.
Жогорку Кеңеште сүттүн баасына байланыштуу маселе дагы көтөрүлдү. Парламенттин соңку жыйынында депутат Акылбек Түмөнбаев өкмөт сүттүн баасын 40 сомдон кем болбосун деген шарт каралган токтомду аткарбай жатканын айтып, келерки аптада буга байланыштуу талкуу уюштурууну сунуштады.
Кыргызстанда ТикТок социалдык тармагынын бөгөттөлүшү орто жана чакан бизнеске терс таасир эткени айтыла баштады.
Дагы жүктөңүз
