Бала саны көп және үш ауысыммен оқып жатқан мектептер мәселесін қалай шешуге болады? Мектепке орамал тағып келу дұрыс па? Ресей Қазақстанның білім беру саласына ықпал ете ме? Неліктен Қазақстанда да Ресей заңнамасына сай ЛГБТ насихатына тыйым салу мәселесі көтеріліп жатыр? "Ескі" Қазақстанның "жаңа" Қазақстаннан қандай айырмасы бар? Азаттық білім, саясат және депутаттардың бастамасы туралы осы және өзге де сұрақтарды мәжіліс депутаты және бұрынғы білім министрі Асхат Аймағамбетовке қойған еді.
Украина әскері Ресейдің Курск облысына шабуылын жалғастырып жатыр. Бұған қоса, Ресейдің Белгород облысы да "жағдай өте қиын" деп, төтенше жағдай жариялауға мәжбүр болды. Екінші дүниежүзілік соғыстан бері алғаш рет және Ресей армиясы Украинаға басып кіргеннен кейін екі жарым жыл өткенде Ресей аумағы ашық шабуылға ұшырады. Ресей жеріндегі шайқастар "Ұжымдық қауіпсіздік туралы шарт ұйымы қақтығысқа араласа ма?" деген сұрақ туындады.
Астана мен Пекин арасында шілдеде жасалған келісім бойынша жаңа деректер белгілі болды. Қазақстан мен Қытай айға зерттеу орталығын салуда әріптес болмақ. Бұл АҚШ-пен жарысқан Қытайдың ғарышты игеру талпынысына Қазақстанның да атсалысып жатқанын көрсетеді.
Қытайда 20-дан астам ұлты қазақ азамат ұсталғаны туралы ақпарат шықты. Қамалғандардың дені Шыңжаңда көп жыл журналистикада, білім беру мен мемлекеттік қызметте істеген. Азаттық осы адамдардың кейбірінің Қазақстандағы туыстарымен сөйлесіп, мән-жайды анықтауға тырысты.
Құлсарыда тасқыннан зардап шеккен үйлерді бағалау аяқталды. Ресми ақпарат бойынша, 2650 үй иесі әкімдікпен келісімшартқа отырған. Оларға 72 млрд теңгеге жуық өтемақы төленген. Азаттық тілшісі сөйлескен тұрғындардың кейбірі өтемақы көлеміне келіспесе де, әкімдікпен келісімшартқа отырғанын айтты. Келісімшартқа отырудан бас тартқан кей тұрғын "әділетті өтемақы" талап етіп, сотқа жүгінді.
Үкімет Қазақстанның солтүстігі мен шығысындағы тұрғыны азайған ауылдарды сақтап қалу үшін оңтүстіктің халқын көшіп баруға ынтыландырғысы келеді. Бұл бастаманы белсенділер де қолдайды. Бірақ қоныс аударғандар онша көп емес. Жергілікті халық шалғай ауылда жағдай жасалмағанын айтып налиды. Азаттық тілшісі Шығыс Қазақстан облысы Марқакөл ауданындағы Ақбұлақ және Қараой ауылдарының жағдайын көріп қайтты.
1 тамызда арнайы комиссия ЛГБТ "насихатына" қарсы петиция авторларының талабын жария түрде талқылады. 50 мың адам қол қойған үндеуге негізгі жауапты ақпарат және мәдениет министрлігінің өзі талқы кезінде петицияны ішінара қолдады. Жиында екі тарап кезек-кезек сөйлеп, позициясын айтты.
2 тамызда Қонаев соты "экстремизмді қаржыландырды" және "тыйым салынған ұйымның жұмысына араласты" деп айыпталған журналист Думан Мұхаммедкәрімді кінәлі деп танып, жеті жылға бостандығынан айырды. Азаттыққа бұл туралы журналистің адвокаты Ғалым Нұрпейісов хабарлады.
Павлодар облысында алтын кенішінде автобус құлағанда қаза тапқан құтқарушы Олег Тышкевичтің қызы әкесі жұмыс істеген авариялық-құтқару қызметімен соттасып жүр. Мекеме қаза тапқан қызметкерінің туыстарына төрт миллион теңге ұсынған. Марқұмның отбасы бұған үзілді-кесілді келіспей отыр.
Қазақстанның бірнеше өңірінде сот мектеп әкімшілігінің басына орамал тартқан шәкіртті сабаққа кіргізбей, оқудан шығаруын заңсыз деп тапқан. Бірақ сотта жеңіп шыққан ата-ана мен мектеп арасындағы тартыс тоқтар емес. Неге?
2022 жылы Қаңтар оқиғасы кезінде оқ тиіп қаза тапқан Руслан Қуаттың әйелі Айгүл Ахметжанова үкіметтен марқұм күйеуінің екі жылдық жалақысына тең өтемақы талап етіп сотқа жүгінді. Оған қоса жерлеу шығынын да өндіріп алғысы келеді. Төрт баласымен жесір қалған әйелдің арызын сот қанағаттандырмады.
Алматыдан АҚШ-қа жақсы өмір іздеп кеткен отбасының бастан кешкенінен шытырман фильм түсіруге болады. Отбасы азын-аулақ мүлкін сатып, бірнеше ел арқылы Америкаға жақындап, теңізді жүзіп өту үшін қайыққа мінеді. Бірақ жиырма мигрант мінген кішкентай қайықты толқын аударып жіберген. Бірнеше сағат ашық теңізде бөшкеге жармасып, бір үйлі жан әрең тірі қалады. "Енді қайыққа отырмаймын" дейді үйдің бес жасар кенжесі.
Тағы
