Украина әскерінің Курскідегі операциясы жалғасып жатыр. АҚШ Орталық барлау қызметі «Киев әуелде Ресейдің жерлерін аннексиялап алмаймыз дегенімен, Украина әскері Курск облысында басып алған жерлерді біраз уақыт бақылауында ұстап тұратын сияқты» деп мәлімдеді.
Степногорск қаласындағы №4 мекемеде жазасын өтеп жатқан белгілі марафоншы, "Алға, Қазақстан" партиясын құру жөніндегі бастамашыл топ лидері Марат Жыланбаев екі айлық тәртіп изоляторынан шықты. Адвокаты оның түрмедегі хал-ахуалы туралы Азаттыққа айтып берді.
Ақтөбе облысы Ойыл ауданы Қаратал ауылында екі мыңға жуық адам тұрады. Барқын құмының оңтүстік-батысындағы бұл жер малға жайлы қоныс саналады. Көктемдегі тасқын ауылдағы 236 үйді тұруға жарамсыз еткен. Одан бері бес ай өтті. Үйсіз қалған жұрт әлі күнге "киіз үй" мен шатырларда тұрып жатыр.
Human Rights Watch (HRW) халықаралық құқық қорғау ұйымы жаңа есебін жариялады. Есептің толық атауы – "Саяси қуғын, экономикалық шектеу: терроризмді қаржыландыруға қатысы бар деген қазақстандықтар тізімі қалай қосымша адам құқығын бұзуға әкелді".
Алматыда сақталып қалған санаулы ағаш ғимаратты архитектор Андрей Зенков салдырғанын біреу білсе, біреу білмейді. Оның әкесін патшалық Ресейдің губернаторы жаңа құрылған Жетісу облысына шақырып, Зенковтар сол кездегі Верныйда тұрақтайды. Ол туралы пікір де әркелкі.
Әскерде жүргенде жұмбақ жағдайда басы жарылып, комаға түскен Ербаян Мұхтардың еміне халық 140 млн теңге жылу жинап берді. Сарбаз қазір Астана іргесіндегі Қосшы қаласында өз үйінде жатыр. Ұлының аяқтан тік тұрып кетуіне барын салып жүрген әке-шешесінің сөзінше, отбасына оралғалы Ербаянның жағдайы
Қазақстанда АЭС құрылысын жария талқылау аяқталды. 20 тамызда қоғамдық тыңдау Астанада өтті. Жиынға ондаған адам қатысты. Жобаны түсіндіруге келген ресми сарапшылар арасында АЭС қолдайтын мамандар ғана болды. Ал станция құрылысына күмән келтіріп, қарсылық білдіргендерге әртүрлі кедергі жасалды.
29 жастағы Нұртас Нұрғалиұлы мен 32 жастағы Нұрислам Әліпбайұлы оқушы кезінен құмар ойынға үйір болған. Жылдам ақшаға дәндеген екеуі соның жетегінде он жылдан аса жүрген. Дос-жараннан ажырап, барын ойынға салып, қарызға белшеден батқанда өлім туралы да ойлапты. Бірақ екеуі де арнайы маманның көмегімен құмар ойынға тәуелдіктен құтылған. Қазір олар ойын тұзағына түскен басқа адамдарға жәрдемдесіп жүр.
Қарағанды облысында тұратын жас кенші Николай Девяткин кенжарда техника қауіпсіздігі талаптары бұзылғанын басшылыққа жеткіземін деп, жұмысынан айырылып қалғанын айтады. Ал бұрынғы жұмыс берушісі Девяткин тыйым салынғанына қарамастан ұялы телефон алып кіріп, "тәртіп бұзғаны үшін" шығарылды дейді.
Бала саны көп және үш ауысыммен оқып жатқан мектептер мәселесін қалай шешуге болады? Мектепке орамал тағып келу дұрыс па? Ресей Қазақстанның білім беру саласына ықпал ете ме? Неліктен Қазақстанда да Ресей заңнамасына сай ЛГБТ насихатына тыйым салу мәселесі көтеріліп жатыр? "Ескі" Қазақстанның "жаңа" Қазақстаннан қандай айырмасы бар? Азаттық білім, саясат және депутаттардың бастамасы туралы осы және өзге де сұрақтарды мәжіліс депутаты және бұрынғы білім министрі Асхат Аймағамбетовке қойған еді.
Украина әскері Ресейдің Курск облысына шабуылын жалғастырып жатыр. Бұған қоса, Ресейдің Белгород облысы да "жағдай өте қиын" деп, төтенше жағдай жариялауға мәжбүр болды. Екінші дүниежүзілік соғыстан бері алғаш рет және Ресей армиясы Украинаға басып кіргеннен кейін екі жарым жыл өткенде Ресей аумағы ашық шабуылға ұшырады. Ресей жеріндегі шайқастар "Ұжымдық қауіпсіздік туралы шарт ұйымы қақтығысқа араласа ма?" деген сұрақ туындады.
Тағы
