Доктар палітычных навук, дырэктар інстытуту «Палітычная сфэра» Андрэй Казакевіч заяўляе, што ў Крамлі хацелі б, каб Беларусь перастала быць праблемай, і лічыць, што беларускі крызіс не павінен скончыцца геапалітычным процістаяньнем Захаду і Ўсходу.
Пісьменьнік Андрэй Жвалеўскі, які кожны вечар у фэйсбуку падводзіць вынікі пратэставага дня ў Беларусі, заяўляе, што страху, што «ўсё закончыцца», даўно ўжо няма, і тлумачыць, на чым грунтуецца ягоны гістарычны аптымізм
Арсень Сівіцкі аналізуе стаўкі Захаду і Крамля ў беларускім канфлікце, лічыць, што неўзабаве мы будзем назіраць новую фазу беларуска-расейскай канфрантацыі, і заяўляе, што хуткі сацыяльна-эканамічны крызіс можа вельмі сур’ёзна зьмяніць кантэкст пратэстаў і радыкалізаваць ягоных удзельнікаў.
Эканаміст Зьміцер Крук апісвае некалькі сцэнароў разьвіцьця эканамічнай сытуацыі ў Беларусі, прадказвае, на чым улады паспрабуюць эканоміць, і заяўляе, што зьніжэньне даходаў насельніцтва можа скласьці да 10 працэнтаў.
Расейскі публіцыст Леанід Радзіхоўскі ставіць пад сумнеў тактыку мірных пратэстаў, заяўляе, што Лукашэнка ня пойдзе ні на якую канстытуцыйную рэформу, і тлумачыць, чаму Пуцін не паслухаецца Макрона і Мэркель
Украінскі палітоляг Яўген Магда ў інтэрвію Свабодзе заявіў, што пасьля апошніх беларускіх падзеяў Аляксандра Лукашэнку ва Ўкраіне ўсур’ёз успрымаць ня будуць, і адказаў на пытаньне, ці будзе Кіеў дапамагаць беларускай апазыцыі.
Палітоляг Аркадзь Мошэс тлумачыць, калі і чаму Крэмль вырашыў адназначна стаць на бок Лукашэнкі, абвінавачвае Захад у памылковай «палітыцы ўсьмешак» і аналізуе, чым можа скончыцца патэнцыйны кансэнсус паміж Захадам і Расеяй што да беларускай сытуацыі.
Cябра Каардынацыйнай рады рэжысэр і драматург Андрэй Курэйчык лічыць абсурднымі абвінавачваньне ў «захопе ўлады», паводле якога была заведзеная крымінальная справа ў дачыненьні да рады.
Дыплямат Валер Кавалеўскі, які ў свой час працаваў у амбасадзе Беларусі ў ЗША, пасьля выбараў 2010 году зьехаў у ЗША з палітычных прычынаў, цяпер працуе там у міжнароднай арганізацыі. І інтэрвію Свабодзе Валер аналізуе рэакцыю сьвету на падзеі ў Беларусі.
Тэлевядучая Кацярына Пытлева, якая звольнілася на знак пратэсту напярэдадні выбараў, расказвае пра ўдзельнікаў штодзённых акцый пратэсту ля БТ, мультымэдыйную онлайн-плятформу, якую ствараюць былыя супрацоўнікі дзяржаўных СМІ і пра атрыманыя пагрозы.
Былы кіраўнік Галоўнага дзяржаўна-прававога ўпраўленьня Адміністрацыі прэзыдэнта Аляксандар Пласкавіцкі не чакаў, што беларускі народ будзе здольны настолькі хутка і энэргічна ўскіпець.
Палітычны аглядальнік Паўлюк Быкоўскі аналізуе, якім адрасатам было накіраванае пасланьне Аляксандра Лукашэнкі, адзначае, што асабліва абурыла дзейнага кіраўніка дзяржавы, і зьвяртае ўвагу на словы пра «няўдзячнае маладое пакаленьне».
Былая тэле- і радыё вядоўца, блогерка, адміністратарка суполкі ў Фэйсбуку «Хопіць баяцца!» Тацяна Мартынава тлумачыць вымушаны ад'езд зь Беларусі пагрозай арышту.
Стваральнік і кіраўнік Беларускага свабоднага тэатру Мікалай Халезін кажа пра магчымасьць пераменаў у Беларусі, жаночы твар выбарчай кампаніі і беспэрспэктыўную спрэчку «выбары ці байкот».
Расейскі апазыцыйны палітык Уладзімір Мілоў не выключае драматычнага разьвіцьця падзей у Беларусі, мяркуе, што для Пуціна лепшы Лукашэнка, чым зьмена ўлады праз народны пратэст, і называе Сьвятлану Ціханоўскую, Марыю Калесьнікаву і Вераніку Цапкалу «будучыняй Беларусі».
Тэле- і радыёвядоўцу Кацю Пытлеву зьнялі з эфіру на БТ пасьля паста ў Фэйсбуку пра «поўны гамон» у Беларусі, калі яна абурылася затрыманьнем удзельнікаў мірных пратэстаў у Менску. Журналістка расказала Свабодзе пра «два лягеры» на БТ, невысокія заробкі, «партызаншчыну» і падтрымку аб'яднанага штабу.
Марыя Калесьнікава, прадстаўніца аб’яднанага штабу альтэрнатыўнай кандыдаткі Сьвятланы Ціханоўскай, — пра сямʼю, беларускую мову, фэмінізм, парады Сьвятланы Алексіевіч, сумесны шопінг, як ствараліся галоўныя лёзунгі кампаніі і чым рызыкуюць усе яе ўдзельнікі.
Вольга Кавалькова, якая цяпер уваходзіць у аб’яднаны штаб кандыдата ў прэзыдэнты Сьвятланы Ціханоўскай, расказвае, чым займаецца ў камандзе, адказвае на пытаньне, як Ціханоўская рэагуе на заўвагі, і заяўляе, што задача штаба — «максымальна раскрыць Сьвятлану».
Эканаміст Яраслаў Раманчук прагназуе, наколькі ўпадзе беларуская эканоміка сёлета і які будзе курс даляра і параўноўвае ўрад Румаса і новы ўрад Галоўчанкі
Андрэй Паротнікаў канстатуе, што ўлада спрабуе ўцягнуць войска ў палітычныя працэсы, і аналізуе дзеяньні міліцыі падчас разгонаў апошніх акцыяў пратэсту.
Блогер Эдуард Пальчыс лічыць, што пратэсты ператвараюцца з карга-культу ў канкрэтны інструмэнт, і заяўляе, што цяпер з уладай «няма пра што гаварыць».
«Калі ўлада ўваходзіць у сур’ёзны эмацыйны клінч з кімсьці, то небясьпека і трагедыя ў тым, што, калі ты ў эмацыйным стане, у цябе адключаюцца шмат якія іншыя функцыі».
Палітычны экспэрт Ягор Лебядок адказвае на пытаньне, чаму ўлады пайшлі на сілавы варыянт, называе галоўную рызыку для Менску і заяўляе, што кожная выбарчая кампанія Лукашэнкі — гэта фільм жахаў пад назвай «Яны».
Андрэй Казакевіч разважае, чаму ў гэтай кампаніі Лукашэнка ня мае ніякай станоўчай праграмы і пэрспэктывы для краіны, тлумачыць, чаму ўладам не спадабалася нават памяркоўная лібэралізацыя і яны яе згарнулі, і заяўляе, што ўсё, над чым працавалі апошнія 6 гадоў у адносінах з Захадам, цалкам зьнішчана
Публіцыстка Сьвятлана Калінкіна разважае пра галоўную каштоўнасьць і галоўны страх Лукашэнкі, заяўляе, што ў кіраўніка дзяржавы няма ніводнага пераканаўчага аргумэнту, чаму ён павінен застацца ва ўладзе, і сьцьвярджае, што Лукашэнка цяпер можа мяняцца толькі ў горшы бок.
Расейскі публіцыст Леанід Радзіхоўскі расказвае, чаму параза Лукашэнкі — гэта катастрофа для Пуціна, заяўляе, што ніякае сілавое ўмяшаньне Расеі ў беларускія справы немагчымае, і кажа беларусам — «За нашу і вашу свабоду».
Старшыня Аб’яднанай грамадзянскай партыі Мікалай Казлоў расказвае, чаму трэба прымусіць зьняцца кандыдатаў-спойлераў, заяўляе, што нягоднікаў у міліцыі абсалютная меншасьць, і раіць, як сябе паводзіць, калі вас затрымліваюць.
Палітоляг Аркадзі Мошэс, дырэктар дасьледчых праграмаў Усходняга суседзтва Эўразьвязу і Расеі ў Фінскім інстытуце міжнародных дачыненьняў, тлумачыць, чаму цяперашнія брутальныя дзеяньні беларускай улады сталі нечаканасьцю для многіх у Эўразьвязе.
Арсень Сівіцкі заяўляе, што цяпер стварыліся спрыяльныя геапалітычныя ўмовы для ўмяшаньня Расеі ў беларускія выбары.
Сацыёляг Алег Манаеў расказвае пра сваю эміграцыю ў ЗША, заяўляе, што лукашэнкаўская Беларусь пакуль нікуды не падзелася, разважае пра цяперашні рэйтынг Лукашэнкі і пра тое, хто і чаму будзе за яго галасаваць, а таксама тлумачыць, навошта ён купіў сабе зброю.
Палітоляг Валер Булгакаў расказвае, які ўдар нанесьлі па сыстэме сваім вылучэньнем Цапкала і Бабарыка, зазначае, што эліты прадчуваюць канец палітычнай эпохі Аляксандра Лукашэнкі, і прадказвае, якім будзе выбарчы слоган кіраўніка дзяржавы.
Кіраўнік Беларускага інстытуту стратэгічных дасьледаваньняў палітоляг Пётра Рудкоўскі адказвае на пытаньне, навошта альтэрнатыўныя кандыдаты бяруць удзел у гэтай кампаніі, тлумачыць, у якім выпадку Крэмль адчуў бы для сябе рызыку, і дае (пэсымістычны) прагноз на вынікі выбараў.
Палітоляг, галоўны рэдактар інтэрнэт-выданьня «Наше мнение» Валерыя Касьцюгова сьцьвярджае, што апошнія гады зьнізіўся «плот» паміж элітай і контрэлітай, ацэньвае фэномэн Бабарыкі і заяўляе, што менавіта ўлады будуць рабіць усё, каб зьнізіць яўку.
Палітычны экспэрт Арцём Шрайбман тлумачыць, чаму Віктар Бабарыка так хутка набывае папулярнасьць, прадказвае магчымыя дзеяньні ўлады і спрачаецца зь Юрыем Дракахрустам наконт таго, якая тэма стане галоўнай на гэтых выбарах.
Публіцыст Аляксандар Фядута аналізуе шанцы Цапкалы і Бабарыкі, расказвае, што ня так зрабіла апазыцыя са сваімі праймэрыз, і кажа загадкавую фразу пра тое, што наступныя выбары «могуць быць нечакана хутка».
Палітычны актывіст Зьміцер Дашкевіч заяўляе, што сёньняшнія лідэры апазыцыі ня любяць адзін аднаго, ацэньвае самастойнасьць вылучэньня Цапкалы і Бабарыкі і дае свой адказ на вечнае пытаньне «што рабіць»
Эканаміст Зьміцер Крук аналізуе розныя сцэнары крызісу, разважае, што рабіць зь беспрацоўнымі ва ўмовах, калі яны ня могуць зьехаць зь Беларусі, і паказвае, дзе можна знайсьці грошы для выплат людзям, што пацярпелі ад крызісу.
Старшыня Беларускай канфэдэрацыі дэмакратычных прафсаюзаў (БКДП) Аляксандар Ярашук тлумачыць, чаму беларуская ўлада не дапамагае людзям, што страцілі даходы ў выніку пандэміі каранавірусу, заяўляе, што працоўныя робяцца ўсё больш бяспраўнымі, і тлумачыць, які пляцдарм трымаюць незалежныя прафсаюзы.
Палітоляг Аркадзі Мошэс расказвае, як Фінляндыя змагаецца з каранавірусам, тлумачыць, чаму Аляксандар Лукашэнка ставіцца да пандэміі так, як ставіцца, і заяўляе, што Захад ня дасьць Беларусі грошай без рэформаў.
Украінскі палітоляг Уладзімір Фясенка называе галоўныя вынікі першага году на пасадзе прэзыдэнта Ўкраіны Ўладзіміра Зяленскага, заяўляе, што Зяленскі — гэта палітычная анамалія і грандыёзны экспэрымэнт, і тлумачыць, чаму ён адчувае аптымізм наконт беларуска-ўкраінскіх адносінаў.
Прафэсар Рэдфардзкага ўнівэрсытэту, аўтар кнігі пра Аляксандра Лукашэнку Рыгор Ёфэ тлумачыць, чаму ён падтрымлівае стаўленьне беларускага кіраўніка да каранавірусу, крытыкуе Радыё Свабода і адказвае на пытаньне, ці лічыць ён магчымым “палацавы пераварот” у Беларусі
Расейскі публіцыст Леанід Радзіхоўскі тлумачыць, чаму стаўленьне Лукашэнкі да эпідэміі каранавірусу радыкальна адрозьніваецца ад стаўленьня на Захадзе і ў Расеі, адказвае на пытаньне, ці пройдзе ў Менску парад 9 траўня, і прагназуе, якімі будуць адносіны Масквы і Менску пасьля каранавірусу.
Заснавальнік сайту «Сильные новости» Пётра Кузьняцоў аналізуе, як кіраўнік Беларусі актыўна разварочвае сваё стаўленьне да каранавірусу, і тлумачыць, зь якіх прычынаў Лукашэнку так неабходны парад 9 траўня.
Палітоляг Андрэй Ягораў заяўляе, што Беларусь чакае ня толькі эканамічны, але і сыстэмны крызіс, тлумачыць, чаму беларуская цэнтралізаваная ўлада ня здольная даць яму рады, і заяўляе, што перамены могуць адбыцца толькі тады, калі людзі пабачаць адказ на пытаньне: «Хто, калі ня ён?».
Кіраўнік праекту Belarus security blog Андрэй Паротнікаў расказвае, у якім стане цяпер беларуска-расейская «інтэграцыя», тлумачыць, чаму Масква выставіла заведама непрымальныя для Менску прапановы, і нагадвае пра «чырвоныя лініі» для Лукашэнкі.
Яраслаў Раманчук прагназуе, якім можа быць падзеньне беларускай эканомікі сёлета (7–10 працэнтаў), расказвае, як урад павінен рэагаваць на крызіс, чаму і за чый кошт варта зацягваць паясы, і тлумачыць, якія праекты дзяржава можа сьмела «замарозіць» безь вялікіх наступстваў для дабрабыту людзей.
Беларускі эканаміст Леанід Злотнікаў тлумачыць, чаму гісторыя незалежнай Беларусі заўсёды суправаджалася дэвальвацыямі, канстатуе, што Беларусь перайшла ў рэжым праяданьня назапашанага раней, і спрабуе знайсьці нешта пазытыўнае ў цяперашнім падзеньні курсу рубля.
Расейскі філёзаф Максім Гаруноў тлумачыць, чаму эміграцыя з Расеі будзе толькі расьці, заяўляе, што расейцы глядзяць на сьвет як вайскоўцы і апавядае, чаму падчас апошніх акцыяў пратэсту ў Маскве яму здалося, што ён у Менску
Беларускі эканаміст Леанід Фрыдкін тлумачыць, чаму падзеньне беларускага рубля было чаканым, ацэньвае, хто больш страціць ад падзеньня цэнаў на нафту, і заяўляе, што стагнацыя ў Беларусь прыйшла ўсур’ёз і надоўга, каля нуля мы будзем боўтацца даволі доўга.
Кіраўнік аналітычных праектаў БелаПАН Аляксандар Класкоўскі тлумачыць, за што Ганну Канапацкую не пусьцілі ў праймэрыз, кажа пра “нажніцы” паміж запытам шырокай публікі і апазыцыйных актывістаў, адказвае на пытаньне, ці працуе яшчэ формула пра “жонку Нікалюка”.
Загрузіць яшчэ
