Удзел у пасяджэньні ўзялі міністар замежных спраў Беларусі Максім Рыжанкоў і міністар замежных спраў Сяргей Лаўроў.
Паводле агенцтва БелТА, міністры падпісалі чатыры сумесныя дакумэнты, у тым ліку дэклярацыю аб процідзеяньні міжнародным санкцыям з доўгай назвай: «Дэклярацыя Рэспублікі Беларусь і Расейскай Фэдэрацыі аб павышэньні ролі міжнароднага права і аб кіруючых прынцыпах, якія тычацца кваліфікацыі аднабаковых прымусовых мер у якасьці супрацьпраўных, а таксама шляхоў і сродкаў процідзеяньня, зьмякчэньня і кампэнсаваньня нэгатыўных наступстваў такіх мер».
Таксама міністры падпісалі дакумэнт «Сумеснае бачаньне Эўразійскай хартыі разнастайнасьці і шматпалярнасьці ў XXI стагодзьдзі».
Выступаючы пасьля нарады на сумеснай прэсавай канфэрэнцыі зь Сяргеем Лаўровым, Максім Рыжанкоў паведаміў, што міністры таксама ўзгаднілі плян сумесных кансультацый двух замежнапалітычных ведамстваў на наступны год.
Форум