З-за расейскіх абстрэлаў і бамбаваньняў Ірпень перанёс значныя разбурэньні ў час наступу расейскіх войскаў на Кіеўскую вобласьць у лютым 2022 году. Паводле абласной адміністрацыі, у час баёў было разбурана каля 70% гораду.
Як выглядаў Ірпень у сакавіку 2022 году і што зьмянілася за тры гады пасьля яго вызваленьня – глядзіце ў фотарэпартажы Сяргея Нужненкі з Ўкраінскай службы Радыё Свабода.
2 сакавіка 2022 году расейскія войскі нанесьлі авіяўдар па Ірпяні з двух Су-25. Дзьве ракеты пацэлілі ў жылы дом на Гастомельскай шашы. Празь некалькі дзён гэтая частка гораду будзе занятая.
Расейцы разбурылі гэты дом. Яго дэмантаж пачаўся ў верасьні 2022 году. У сьнежні 2024 году на гэтым месцы пры фінансавым удзеле міжнародных арганізацыяў пачалося будаўніцтва новага жылога дому.
Зьлева — фота 2 сакавіка 2022 году, справа — сакавік 2025 году
Так выглядаў прыватны сэктар Ірпяня пасьля таго, як 2 сакавіка 2022 году расейская армія нанесла авіяўдар па жылым комплексе «Ірпеньскія Ліпкі». Пазьней у час баёў прыватныя дамы былі разбураныя дашчэнту.
У траўні 2023 году ў Ірпяні пачалася рэканструкцыя прыватнай жылой забудовы за кошт розных крыніц фінансаваньня. Але ў сакавіку 2025 году мясцовыя жыхары заявілі, што гэты працэс запаволіўся празь недахоп фінансаваньня.
Зьлева — фота 2 сакавіка 2022 году, справа — з сакавіка 2025 году
Пашкоджаныя жылыя дамы на Гастомельскай шашы, зьнішчаная расейская тэхніка перад імі. Пазьней брытанскі мастак Бэнксі намаляваў сваё графіці на фасадзе першага будынку.
Потым гэтыя дамы разабралі. На іх месцы пустка. Працу Бэнксі перанесьлі на суседні дом.
Зьлева — фота 7 красавіка 2022 году, справа — з сакавіка 2025 году
У выніку абстрэлу пацярпеў гандлёвы цэнтар на Гастомельскай шашы. Цяпер гэты будынак адноўлены. Пашкоджаныя абстрэлам жылыя шматпавярховікі ззаду разабралі.
Зьлева — фота 7 красавіка 2022 году, справа — з сакавіка 2025 году
Раманаўка, прадмесьце Ірпяня.
Зьлева — фота 7 сакавіка 2022 году, справа — з сакавіка 2025 году
Раманаўка, прыгарад Ірпяня, на першым фота людзей эвакууюць з ахопленага вайной гораду.
Зьлева — фота 7 сакавіка 2022 году, справа — з сакавіка 2025 году
Раманаўка, на першым фота на гарызонце бачны пажар у акупаванай Бучы.
Зьлева — фота 7 сакавіка 2022 году, справа — з сакавіка 2025 году
У адным з раёнаў Ірпяня пашкоджаны жылы дом. Адны дамы рамантуюць практычна з нуля, а ў іншых, як на фота, за тры гады аднавілі толькі пашкоджаны фасад.
Зьлева фота 11 сакавіка 2022 году, справа — з сакавіка 2025 году
25 лютага 2022 году ўкраінскія вайскоўцы ўзарвалі Раманаўскі мост, каб спыніць наступ расейскай арміі на Кіеў.
21 лістапада 2023 году побач з разбураным мостам адкрылі новы мост цераз раку Ірпень.
Зьлева фота 11 сакавіка 2022 году, справа — з сакавіка 2025 году
Фота людзей, якія ўцякалі ад расейскіх войскаў, перабіраючыся цераз раку па абломках Раманаўскага моста і драўляных трапах, абляцелі ўвесь сьвет.
Расейская армія абстраляла гэты шлях эвакуацыі мірных жыхароў.
Зьлева — фота 7 сакавіка 2022 году, справа — з сакавіка 2025 году
У канцы лютага — сакавіку 2022 году, ратуючыся ад расейскіх войскаў, цераз Раманаўскі мост перайшлі амаль 40 тысяч мірных жыхароў. У гэтым месцы ад расейскіх абстрэлаў загінулі больш за 10 мірных жыхароў.
Цяпер руіны старога мосту — месца памяці. Сюды прыходзяць ушанаваць памяць загінулых.
Зьлева фота 11 сакавіка 2022 году, справа — з сакавіка 2025 году
На пачатку поўнамаштабнага расейскага ўварваньня жыхары Ірпяня пакідалі свае дамы пешшу, узяўшы з сабой толькі самае неабходнае.
З канца лютага і сакавіка 2022 году амаль 40 000 мірных жыхароў перайшлі Раманаўскі мост, ратуючыся ад расейскай акупацыі.
Зьлева фота 11 сакавіка 2022 году, справа — з сакавіка 2025 году
Кінуты дзіцячы вазок празь пераход каля разбуранага Раманаўскага мосту.
Зьлева фота 11 сакавіка 2022 году, справа — з сакавіка 2025 году
Сям’я зь дзецьмі хаваецца ад абстрэлаў пад апорамі ўзарванага Раманаўскага мосту.
Зьлева фота 11 сакавіка 2022 году, справа — з сакавіка 2025 году
Дарога перад разбураным Раманаўскім мостам. Тут падчас эвакуацыі людзі пакідалі свае машыны, вазкі, іншыя рэчы, якія не маглі ўзяць з сабой. Шмат машынаў тут згарыць у выніку расейскіх абстрэлаў.
Зьлева фота 11 сакавіка 2022 году, справа — з сакавіка 2025 году
Цела загінулага мірнага жыхара на адной з вуліц Ірпяня. Паводле зьвестак мясцовых уладаў, у лютым-сакавіку 2022 году ў Ірпяні загінулі амаль 300 мясцовых жыхароў.
Зьлева — фота 11 сакавіка 2022 году, справа — з сакавіка 2025 году
Цела жанчыны ў ірпеньскім парку Дубкі. У цяперашні час нічога не паказвае на тое, што тут месца гібелі чалавека.
Зьлева фота 11 сакавіка 2022 году, справа — з сакавіка 2025 году
Людзі пешшу, прыкрываючыся белым, пакідаюць Бучу.
Зьлева фота 11 сакавіка 2022 году, справа — з сакавіка 2025 году
Зьнішчаная расейская тэхніка, побач разбураны гандлёвы цэнтар «Жыраф», дзе разьмяшчаліся пазыцыі ўкраінскіх вайскоўцаў.
Гандлёвы цэнтар «Жыраф» быў адноўлены і адкрыты наноў.
Зьлева фота 11 сакавіка 2022 году, справа — з сакавіка 2025 году
