Пра гэта паведамілі на сайце амбасады ЗША ў Беларусі.
USAID пачала працаваць у Беларусі ў 1999 годзе. У 2021 годзе Аляксандар Лукашэнка закрыў офіс амэрыканскага агенцтва ў Беларусі. Як падкрэсліла на цырымоніі ў Вільні памочніца адміністратара USAID Эрын Элізабэт Макі, агенцтва супрацоўнічала зь беларускім народам у цяжкія моманты, у тым ліку дапамагала ў барацьбе з наступствамі катастрофы на ЧАЭС, пандэміі COVID-19, палітычнага крызісу 2020 года, і. нягледзячы на фармальнае закрыцьцё офіса ў Менску, яно працягне гэтую працу, бо «пакуль грамадзяне Беларусі адданыя дэмакратыі, мы застаемся адданымі ім».
«Амэрыканскі народ падтрымлівае беларусаў у іх імкненьні мець прадстаўнічы ўрад, правы на сходы і выказваньне думак, свабоду выбару, эканамічныя магчымасьці і доступ да разнастайнасьці ідэй без страху быць самімі сабой», — заявіў часовы павераны ў справах ЗША ў Беларусі Пітэр Каўфман.
У паведамленьні амбасады адзначаецца, што з 1992 года ЗША выдзелілі Беларусі больш за 1,1 млрд даляраў замежнай дапамогі ва ўсіх сэктарах. Цяпер яна спрыяе прасоўваньню дэмакратычных прынцыпаў і правоў чалавека і ўключае падтрымку незалежных СМІ і грамадзянскай супольнасьці.
Амбасадарка ЗША ў Літве Кара Макдональд падкрэсьліла даўняе партнэрства паміж Літоўскай Рэспублікай і Злучанымі Штатамі Амэрыкі і выказала падзяку літоўскаму ўраду і яго народу за пастаянную падтрымку як грамадзян Беларусі, так і Ўкраіны ў барацьбе за сувэрэнітэт і свабоду. «Мы па-ранейшаму адданыя дэмакратыі ў рэгіёне і захапляемся лідэрствам Літвы ў гэтай справе».
На адкрыцьці офіса прысутнічала Сьвятлана Ціханоўская.
Форум