په بلوچستان کې له تېرې څه مودې راهیسې د وزيراعلی جام کمال له څوکيو څخه د ليرې کولو لپاره هلې ځلې ګړندۍ شوې دي. واکمن ګوند بلوچستان عوامي پارټۍ او د اتحاديانو شاوخوا ۱۴ غړيو د اکتوبر پر ۱۱مه نېټه د وزيراعلی پرضد د عدم اعتماد تحريک جمع کړی البته په دې اړه د اسمبلۍ غونډه لاهم رابلل شوې نه ده. بل خوا جام کمال د اکتوبر پر ۱۲مه نېټه په کوټه کې خبرې غونډه کې باور وښود چې د ګوند ځینې مرور غړي يې پخلا کړي دي. د مشال تر رڼا لاندې کې دا کتل شوي چې ایا د واکمن ګوند د اسمبلۍ ځينې غړي او حزب اختلاف به وتوانېږي چې جام کمال له څوکۍ ليرې کړي؟ دا او ورسره تړلې نورې پوښتنې د مشال تر رڼا لاندې بحث کې څېړو.
د مشال تر رڼا لاندې
وبښئ، دلته ۱۷ اکتوبر هېڅ و نه موندل شول. تر دې پخواني مطالب وګورئ.
چار شنبه ۱۳ اکتوبر ۲۰۲۱
د تحقيقاتي خبريالانو نړيوال اتحاد یا انټرنیشنل کنسورشییم اف انوېسټیګېټیو جرنلسټس (ای سي ای جې) د پنډورا پیپرز په نامه چې د نړۍ د ۹۱ هېوادونو او سیمو ۳۵ اوسنيو او پخوانيو مشرانو، ۳۳۰ سیاستوالو او ولسي استازیو پټ مالیاتي دستاویزونه خپاره کړي ول په هغو کې د ۷۰۰ پاکستانیانو نومونه هم شامل دي. په اسنادو کې د عمران خان د حکومت ځينو وزيرانو نومونه هم شته او له هم دې کبله پر هغه تنقيد کېږي چې د درغليو او کرپشن ختمولو په نوم يې سیاست کړی خو بيا يې هم په ګوند او کابينه کې داسې کسان په ګوته شوي چې بهرنۍ کمپنۍ لري. عمران خان په دې اړه يو تحقيقاتي کميشن اعلان کړی چې معلومه کړي چې ایا دا کمپنۍ خو د غير قانوني پېسو د پټولو لپاره استعمال شوي نه دي؟ پوښتنه دا ده چې دا کمیشن به په رښتيا هم تحقيقات وکړي او يوه نتيجه به مخې ته رواړې او که څنګه؟ د مشال تر رڼا لاندې کې هم دا او نورې پوښتنې څېړل شوې دي.
