مشال راډیو

د طالبانو حکومت د بخش اباد بند سرنګونو جوړولو چارې پیل کړي

د طالبانو د حکومت د ریس الورزا اقتصادي مرستیال ملا عبدالغني برادر او د اوبو او انرژۍ سرپرست وزیر عبدالطیف منصور د مې پر ۲۰ فراه ته تللي ول او هلته یې رغاونیزې چارې پرانیستې.

امريکا وايي له افغانستانه د ترهګرو بریدونو د مخنيوي لپاره د څار نظام پراخوي

په راپور کې زیاته شوې چې اوسمهال په افغانستان کې د امريکا د دفاع ورازت او د امريکايي پوځ د استخباراتي معلوماتو راټولولو وړتيا محدوده ده. خو زیاته شوې چې امريکا د هوا له لارې د معلوماتو راټولول ازمويي.

مولوي عبدالکبیر په موقتي توګه د طالبانو د حکومت رییس الوزرا ټاکل شوی

د طالبانو د حکومت ویاند ذبیح‌ الله مجاهد د مې پر ۱۶مه ناوخته مشال راډيو ته وويل چې ملا حسن اخوند د ناروغۍ له کبله ارام کول غوښت نو ځکه يې پر خپلې چوکۍ د لنډې مودې لپاره مولوي عبدالکبير معرفي کړ. دا خبره د سه‌شنبې شپې ناوخته ازادي راډیو ته وکړه.

پاکستان جمهوري غورځنګ د سپريم کورټ مخې ته پرلت پای ته رسولی

د مې پر ۱۵مه په اسلام اباد کې له عمران خان سره د سپريم کورټ د ستر قاضي د رويې پرضد د پاکستان جمهوري غورځنګ  (پي ډي اېم) پرلت ته د وينا پر مهال د مسلم ليګ (ن) مخکښې مریم نواز پر چيف جسټس د استعفا ورکولو غږ وکړ.  

یونېسېف: زرګونه افغان ماشومان د خوارځواکۍ له کبله د مرګ له ګواښ سره مخامخ دي

د افغانستان لپاره د یونېسېف د خوړو د برخې مشرې مېلاني ګالوېن د مې پر ۱۰مه په بیان کې ویلي دي چې ۸۷۵،۰۰۰ افغان ماشومان سږ کال د سختې خوارځواکۍ له خطر سره مخامخ دي چې دا یې ژوند هم ګواښلی شي.

ملګرو ملتونو یو وار بیا په افغانستان کې پر ښځو لګول شوي بندېزونه وغندل

په بیان کې وویل شوي چې دا پرېکړه [ښځې له کاره منع کول] د ملګرو ملتونو د منشور او د ښځو پر وړاندې د هر ډول تبعیض د له منځه وړلو کنوېنشن په ګډون د نړیوالو قوانینو له مخې غیر قانوني ده.

د پاکستان، چین او طالبانو بهرنیو چارو وزیرانو په اسلام اباد کې غونډه وکړه

د پاکستان سرکاري راډیو نن پر خپلې وېبپاڼې لیکلي چې دا د خپل نوعیت پنځمه غونډه ده چې پکې د چین او پاکستان د بهرنیو چارو وزیران او د طالبانو سرپرست خارجه وزیر د خپلو پلاوو په ملتیا په مذاکراتو کې برخه اخلي.

هند، روسیې او پاکستان د ټولشموله افغان حکومت غوښتنه وکړه

د هند د بهرنیو چارو زیر اېس جی شنکر هغې ناسته کې ویلی چې په افغانستان کې اوسنی وضیعت د هغوی پام دی. نوموړي زیاته کړه چې د افغانستان د خلکو د سوکالۍ هڅه باید وشي

اسلام اباد: پاکستان او چین له طالب چارواکو سره غونډه کوي

د پاکستان د بهرنیو چارو وزارت پرون (د مې څلورمه)  په بیان کې ویلي دي چې په پلاوي کې د طالبانو د حکومت د سوداګرۍ او صنایعو چارو سرپرست وزیر حاجي نورالدین عزیزي او د بهرنیو چارو، سوداګرۍ او ټرانسپورټي چارو د وزارتونو نور چارواکي هم شامل دي.

ملګرو ملتونو د پاکستان په غوښتنه، امیر خان متقي ته د اسلام اباد د سفر اجازه ورکړه

که څه هم معلومه نه‌ده چې د متقي د سفر اېجنډا به څه وي، خو رویټرز لیکلي چې د سفر ټول لګښت پاکستان پر غاړه اخیستی دی. په تېره اپرېل میاشت کې ځینو پاکستاني رسنیو هم هغه هېواد ته د امیر خان متقي د ممکنه سفر خبرونه خپاره کړي ول.

ملګرو ملتونو د دوحې په غونډه کې طالبانو ته د ګډون بلنه نه ده ورکړې

ټاکل شوې ده د مې پر لومړۍ او دویمه نېټه د قطر په پلازمېنه دوحه کې د ملګرو ملتونو د مشر انتونیو ګوتېرېش په کوربه توب غونډه وشي. په غونډه کې د افغانستان لپاره د ګڼو هېوادونو ځانګړي استازي ګډون کوي.

د پاکستان شمارياتو ادارې د سرشمېرنې عمل د مې تر ۱۵مې غځولی دی

په پاکستان کې سږنۍ سرشمېرنه د هغه هېواد د تاریخ اوومه سرشمېرنه ده. دا د مارچ پر لومړۍ نېټه پيل شوې وه. ټاکل شوې وه چې سرشمېرنه به د مارچ تر پايه بشپړه شي خو وروسته دغه نېټه وغځول شوه.

له سوډانه د وتلو پاکستانيانو لومړۍ ډله کراچۍ ته ورسېدل

تر دې وړاندې د پاکستان د بهرنيو چارو وزارت ويلي ول چې په سوډان کې له روانې کورنۍ جګړې څخه د بچ کېدو لپاره يې شاوخوا ۹۰۰ پاکستانيان له سرښار خرطوم څخه پورټ سوډان ښار ته رسولي دي.

لکي مروت کې وسلواله نښته کې ۳ پوځيان او ۷ وسلوال وژل شوي

د راپورونو له مخې، تېره شپه وسلوالو د لکي مروت پر پوسټ ګرېجوېټ کالج، چیرې چې د سرحدي ځواک او پوځ کېمپ جوړ دي، بريد وکړ. د ځايي خلکو په وینا، پر دې مهال د درنو او سپکو وسلو د ډزو غږونه تر ډېره اورېدل کېدل.

د پاکستان وزیراعظم شهباز شريف له قامي اسمبلۍ د اعتماد رایې ترلاسه کړې

پر شهباز شریف د باور پرېکړه ليک د پيپلز پارټۍ مشر او د پاکستان بهرنیو چارو وزیر بلاول بوټو زرداري وړاندې کړی

د طالبانو د حکومت مخالفين په ويانا کې غونډه کوي

نصیر احمد فایق: د دوحې غونډه کې د طالبانو پر رسمیت پېژندنه بحث نه کېږي

فایق دا څرګندونې په داسې وخت کې کړې چې د ملګرو ملتونو د سرمنشي مرستیالې امينې محمد د اپرېل پر ۱۸مه د امریکا په پرېنسټن پوهنتون کې وویل چې په هغه نړیواله غونډه کې د طالبانو د رسمیت پېژندنې په اړه هم بحثونه کېږي.

امریکايي پوځیانو له خرطوم څخه د خپل سفارت کارکوونکي ایستلي دي

په سوډان کې له یوې اوونۍ راهیسې په روانو نښتو کې د سلګونه ملکي وګړو تر وژنې وروسته یوشمېر هېوادونو د اپرېل پر ۲۲مه له هغه هېواده خپل وګړي وایستل.

خیبر پښتونخوا کې د صحت کارډ له لارې وړیا روغتیايي خدمات بحال شوي

د هغې روغتیايي بیمې پروګرام د اپرېل پر ۲۰مه په بیان کې ویلي دي چې خلک کولای شي چې په ثبت شویو سرکاري او شخصي روغتونونو کې مفتې معاینې او علاج وکړي.

د پېښور پوهنتون استادانو احتجاج ختم کړی دی

 د استادانو د اتحاديې (پيوټا) يو مخکښ ډاکټر نور ثناالدين مشال رېديو ته وويل چې نن (د اپرېل ۱۸مه) يې تر هغې وروسته احتجاج ختم کړ چې کله د خېبرپښتنونخوا ګورنر حاجي غلام علي ورته ضمانت ورکړ چې غوښتنې به يې ومنل شي.