د امریکا د بهرنیو چارو وزارت ټولې نړۍ ته د بشري مرستو د ځنډولو امر کړی. پر افغانستان به د دې پریکړې اغیزې څه وي؟ په دې اړه د احمد شیبر مرکه د سیاسي علومو له استاد نصر اله ستانکزي سره دلته اوریدلی شئ.
د افغانستان د حقوقپوهانو د ټولنې مشر میر عبدالواحد سادات د نړیوالې جزايي محکمې تازه پرېکړه مهمه ګڼي. ښاغلي سادات له ازادۍ راډیو سره په خبرو کې د نړیوالې جزايي محکمې تازه حکم پر طالبانو د فشار راوستلو لپاره یوه وسیله وبلله. هغه هوسۍ احمدزۍ ته په مرکه کې دا خبره وکړه
آیا د امریکا نوی ولسمشر به طالبان د ښځو د حقونو درناوي ته وهڅولای شي؟
د لغمان ولایت اوسېدونکی رحیم الله وایي چې تر نشې مخکې یې جلابي کوله، پسونه او غواګانې به یې خرڅولې، او په ورځ کې به یې دوه درې زره افغانۍ ګټلې. خو کله چې معتاد شو، خپله سرمایه یې له لاسه ورکړه او مزدوري ته اړ شو. رحیم الله، چې دا مهال په یوه دولتي روغتون کې بستر دی، زیاتوي:
د قطر په پلازمینه دوحه کې وروسته له څو اونیو خبرواترو موافقه وشوه چې د غزې جګړه به د اوس لپاره دریږي، د حماس او اسراییل د اوربند څومره هیله عملي دی؟، اسدالله لودین په دې اړه په امریکا کې د پوهنتون د استاد او د منځني ختیځ د چارو د څيړونکي ډاکټر عبیدالله برهاني نظر پوښتلی دی.
لسګونو افغان ښځينه فعالانو له هغې ډلې شبنم صالحي د کرکټ نړیوالې شورا ته د افغان ټیم په ملاتړ لیک استولی. هغې ویلي د کرکټ ملي ټيم باید بایکاټ نه شي. صفي الله ستانکزي له اغلې صالحي سره مرکه کړې .
په واخان کې د پاکستاني پوځ د حضور په اړه اوازې تودې شوې دي، ورسره همهاله د طالبانو د کورنیو چارو وزیر د چین له سفیر سره او د پاکستان د پوځ د استخباراتو ريیس بیا د تاجکستان د ولسمشر سره کتلي دي. په دې اړه هوسۍ احمدزي د چارو له شنونکي بلال احمد فاطمي سره مرکه کړې. دا مرکه دلته اوریدلی شئ.
بست کلا د افغانستان د لرغونو او تاریخي آبداتو له ډلې یوه مهمه نښه ده چې د پېړیو په اوږدو کې یې د تاریخ او کلتور ګڼ رازونه په خپلو دیوالونو کې ساتلي دي. په دې وروستیو کې دغه کلا ته ورغلي یو شمیر سیلانیان د کلا د دروازې یا ششک د وضعیت په اړه اندېښنه څرګندوي.
د طالبانو مشر ملا هبت الله اخندزاده د تقاعد په برخه کې فرمان خپور کړ. د دې فرمان له مخې د جمهوري نظام مامورین باید یو لړ قانوني مراحل ترسره کړي. د حقوقو او سیاسي علومو د استاد پوهاند نصر اله ستانکزي څرګندونې دلته اوریدلی شئ
د نشه يي موادو استعمال د مغزو پر بېلا بېلو برخو ناوړه اغېزې کوي او فعالیت یې ګډوډوي چې په دې لړ کې یوه هم د حافظې کمروزي ده.
طارق د ننګرهار ولایت د ښېوې ولسوالۍ اوسېدونکی دی. دا ځوان چې پنځه کاله یې په ترکیه کې تېر کړي او هلته معتاد شوی وايي چې، که مې نشه نه کولای اوس به مې په بهر کې ښه ژوند درلودای.
افغان خبریال او شنونکی سمیع یوسفزی چې د طالبانو اړوند پرمختګونه له نږدې څاري په دې اړه له ازادي راډیو سره په یوه مرکه کې د طالبانو په لیکو کې د خلیل الرحمن حقاني ځای او پر حالاتو د نوموړي د وژل کیدو په اغیزو غږیدلی دی. له نوموړې سره دا مرکه نوریاس نوري کړې ده. دلته یې اوریدلی شئ.
