د پاک - افغان د سوداګرۍ د ګډې خونې سلاکار ډاکټر مخلص احمد وايي چې د سوداګریزو موټرو لپاره دې د افغان ټاډ د سند اعتبار دوام وکړي. نوموړی هیله من دی چې د ټاډ "TAD" . له ښاغلي مخلص احمد سره زمونږ همکار مرکه کړې او په سر کې یې د دې موضوع جزییات ترې پوښتلي دي:
پر پاکستان د هند د تازه بریدونو په وړاندې به د پاکستان ځواب څه وي؟ په دې او د موضوع په نورو اړخونو اجمل اند د امریکا د ویسکانسن پوهنتون له استاد نجیب ازاد سره خبرې کړي دي. له ښاغلي ازاد په سر کې پوښتل شوي دي چې ایا دا د دواړو اتومي وسلو لرونکیو هېوادونو ترمنځ د یوې پراخې جګړې پیل دی؟
پاکستان پرون سهار وویل چې موثق استخباراتي معلومات یې ترلاسه کړې چې هند پلان لري په یو- دوو ورځو کې پر پاکستان برید وکړي. د اسوشیتد پریس اژانس د راپور له مخې د دواړو هیوادونو ترمنځ پر پوله ډزې تبادله شوې دي.
په کابل کې د یوه ابتدائیه ښوونځي یوه ښوونکې وايي چې د شپږم ټولګي زده کوونکې نجونې په دې اندېښنو کې شپې ورځې تېروي چې ښايي نور د زده کړې د دوام اجازه ورنکړل شي. دې ښوونکې ازادي راډیو ته وویل چې دا نجونې لوی خوبونه لري او پوښتنه کوي چې ایا دوی کولای شي په راتلونکي کې د هغې په څېر ښوونکې شي؟
د افغانستان د سولې لپاره د امریکا پخواني استازي او امریکایي ډيپلومات زلمي خلیلزاد ویلي، باخبره کسانو ورته ویلي چې پاکستان ممکن د کډوالو په منځ کې داعش افغانستان ته ولیږي. د ښاغلي خلیلزاد اندیښنه څومره پر ځای ده؟ د افغانستان د پخواني نظام له پوځي ویاند جنرال اجمل عمر شینواري سره اسداله لودین مرکه کړ.
د افغانستان د سوداګرۍ او پانګونې خونه وايي، ایران نه یې واردات په کلني ډول درې نیم ملیارده ډالرو ته رسېږي، خو له پاکستانه بیا واردات ورځ په ورځ کمیږي. د دغه خونې د مدیره پلاوي غړي خانجان الکوزي ازادي راډیو ته په دې مرکه کې لومړی د افغانستان د وارداتو په اړه معلومات ورکړي
د افغانستان د سوداګرۍ او پانګونې خونه کې مسوولین وايي، د طالبانو حکومت د مالیې وزارت په ۳۴ قلمه وارداتي توکو د لېږد فورم لغو کړ. دا چې د لېږد فورم څه ډول فورم دی، او لغو کېدل یې سوداګرو ته څه اسنتیاوې برابروي د سوداګرۍ خونې یو مسوول مخلص احمد یې په اړه په دې مرکه کې توضیحات ورکوي
د پاکستان د سنا پخوانی غړی او پښتون سیاستوال افراسیاب خټک وايي پاکستان لومړی افغان کډوالو ته سزاوې ورکوي او بیا یې په بې رحمانه ډول له دغه هېواده باسي. له ښاغلي خټک سره زموږ همکارې فېروزې عزیزي مرکه کړې ده .
د نجونو د زده کړو ملي کمپاین وايي، ځینې طالب چارواکي [مدرسه يي] ذهنیت لري او د نجونو د زده کړو مخه یې نیولې ده. دوی دا هم وايي، د نجونو د زده کړو په برخه کې له بیلابیلو ادرسونو هڅې شوي خو همغږې نه دي. زمونږ همکار د یاد کمپاین د مشرتابه شورا له غړي ډاکټر خوشحال روهي سره په دې اړه مرکه کړې ده .
ازادي میلمه له حنیف الله پښه یې سره
له پاکستانه د افغان کډوالو د وتلو لپاره د پاکستان د حکومت له لوري ټاکل شوې موده یا ضرب الاجل پای ته ورسید. خو دغه هیواد هغو افغان کډوالو ته، چې غیرقانوني یې بولي، ۱۰ ورځې نور مهلت ورکړ.
نور راوښيه
