د ملګرو ملتونو د بشري چارو د همغږۍ دفتر وايي د روان ۲۰۲۵ کال په اوږدو کې به په افغانستان کې پنځه میلیونه کسان له روغتیايي خدمتونو بې برخې شي. "اوچا" په یو راپور کې چې پرون یې خپور کړی ویلي در روغتیا په برخه کې د خدمتونو چمتو کولو لپاره ۲۷۹ میلیونه ډالرو ته اړتیا لري.
دغه بانک تازه په خپل یوه راپور کې ویلي چې په افغانستان کې د بې کارۍ لوړې کچې او د توکو لوړو بیو د خوړو نه خوندیتوب سربیره د بې وزلۍ کچه هم زیاته کړې ده. په ورته وخت کې یو شمېر بې وزله کورنۍ هم وايي چې د بې کارۍ او د توکو د لوړو بیو له کبله یې ژوند له کړاونو سره مخ دی.
د اسراییلو د صدراعظم بنیامین نتانیاهو د دفتر د اعلامیې له مخې امنیتي کابینې د جمعې په ورځ مازیګر مهال په غزه کې د اوربند او د فلسطیني بندیانو د ازادۍ په بدل کې د حماس په لاس د یرغمل شویو کسانو د خلاصون تړون تصویب کړ.
د ايران د سیستان او بلوچستان د مرکز زاهدان ښار د پولیسو قوماندان، ويلي په تېره يوه اونۍ کې دوی نږدې " ٥٠٠" بې اسناده افغان کډوال نیولي دي. شاه پور فلاحي د پنجشنبې په ورځ ايراني رسنيو له دې ډلې ایرنا خبري اژانس ته ويلي چې دا نيونې د "ټولنیز امنیت د سطحې لوړولو" طرحې د پلي کولو په ترڅ کې شوې دي.
د ملګرو ملتونو بېلابېلو بنسټونو په افغانستان کې د روان ژمي په باب اندېښنه ښوولې، چې لا یې دوې میاشتې پاتې دي.
د پاکستان د بهرنیو چارو وزارت پر واخان دهلېز د پاکستان د قبضې لګولو آوازې او راپورونه بې بنسټه وبلل. د دغه وزارت ویاند شفقت علي خان پرون پنجشنبه په اسلام اباد کې خبري غونډې ته وویل، واخان د افغانستان د خاورې برخه ده او دوی د افغانستان ځمکنۍ بشپړتیا ته احترام لري او په رسمیت یې پیژني.
په کابل کې د بهرنیو ژبو په زده کړه بوخت ځوانان وايي، د ژبو زده کړه مهمه ده او تر څنګ یې که بهر ته ځي هلته به ښه فرصتونه په لاس ورشي. دوی له ازادي راډیو سره خبرو کې وویل، د بهرنیو ژبو په زده کړې سره غواړي چې په بهر کې مناسبې دندې پیدا کړي او د ځان لپاره یو روښانه راتلونکې جوړه کړي.
په ارزګان ولایت کې د افغانستان له ګاونډي هیواد پاکستان څخه راکډه شوي کډوال د سختو او نامساعدو شرایطو سره مخ دي. چارواکي وايي چې د دې کډوالو لپاره په دې ولایت کې پر ۲۰۰۰ جریبه ځمکه د سرپناه جوړولو یوه پروژه په پام کې نیول شوې ده.
د امریکا د متحدو ایالتونو د بهرنیو چارو وزیر انتوني بلینکن وايي، ډاډه دی چې په غزه کې به اوربند، له تمې سره سم د یکشنبې له ورځې ټینګ شي.
افغانستان کې د یوه افغان-الاصله امریکايي وګړي ورور هیله من دی، چې د طالبانو او واشنګټن ترمنځ د بندیانو د تبادلې خبرې نتیجه ورکړي.
د افغانستان د نارینه وو کرکټ له لوبډلې سره د پرېکون پر وړاندې لسګونه افغانانو د بریتانیا د پارلمان مخې ته لاریون وکړ او په خپلو شعارونو کې یې کرکټ د افغانانو یوازینۍ خوښي وبلله.
د امریکا د متحدو ایالتونو تلونکي ولسمشر د دغه هېواد د راتلونکي په اړه اندېښنه څرګنده کړې ده.
نور راوښيه
