د طالبانو حکومت د افغانستان او پاکستان تر منځ د سرحدي بازارونو د جوړولو وړاندیز رد کړی دی. د پاکستاني رسنیو د راپور له مخې، د دې هیواد له لوري ایران او افغانستان سره د سرحدي بازارونو د جوړولو وړاندیز شوی و چې افغانستان دغه وړاندیز رد کړی دی.
په دې ورستیو کې د افغانستان په ډیرو ولایتونو کې درنې واورې، طوفانونه او بارانونه شوي چې مرګ ژوبله یې رامنځته کړې ده.
په پکتیا ولایت د څمکنیو ولسوالۍ ځینې اوسېدونکي او د ښوونیزو مرکزونو مسؤلین ادعا کوي چې ځايي طالب چارواکو په دغه ولسوالۍ کې له تېرو دوو ورځو راهیسې د یو شمېر ښوونیزو مرکزونو او کورسونو فعالیتونه ځنډولي دي.
د اروپايي ټولنې د بهرنۍ پالیسۍ مشرې کایا کالاس وايي چې کییف او شریکان یې باید پر روسیه فشار راوړي څو د جګړې د پای ته رسولو لپاره په هر ډول احتمالي خبرو اترو کې د اوکراین دریځ ښه کړي.
د اروپایي ټولنې د سرحدونو اداره وایي، تېر ۲۰۲۴ کال کې اروپا ته په ناقانونه لارو د کډوالو ورتګ ۳۸ سلنه کم شوی دی.
ناټو سازمان او د یوشمېر اروپایي هېوادونو مشرانو هوکړه کړې چې بالتیک سمندر کې د څارنې یو ماموریت پيل کړي. دا اقدام وروسته تر دې کېږي چې څو "جدي" پېښو کې مهمو سمندري تاسیساتو ته زیان واوښته.
د کندهار میرویس حوزوي روغتون ته راغلي ناروغان او پایوازان د درملو او روغتیايي امکاناتو د کمښت شکایت کوي.
فرانسوي چارواکو په افغانستان او ترکیه کې د میټامفټامین د « کریستال» په نوم د تولیدېدونکو نشه یي توکو د قاچاق او تولید په اړه انديښنه ښودلې ده.
د ایران په کرمان ولایت کې یو شمېر مېشت افغان کډوال وایي، د دغې هیواد په یاد ولایت کې د افغانانو بانکي حسابونه تړل شوي او درانه مالیات پرې لګولي شوي دي. د دغو کډوالو په خبره، هغه کسان چې د خپلو بانکي حسابونو د کنګلېدو د لغوه کولو لپاره بانکونو ته ورغلي، مالیاتي ادارو ته ورپېژندل شوي.
په افغانستان کې د سختې بې وزلۍ له کبله یو شمېر میرمنې اړې شوي چې خپل ویښته وپلوري. دوی وايي اوږده او هغه ویښتان چې رنګ شوي نه وي په ښه بیه پلورل کیږي. د ښځو د حقونو فعالان د ښځو او میرمنو له لوري د ویښتو پلورل په افغانستان کې د اقتصادي کړکیچ د زیاتوالي ښکاره بیلګه بولي.
له سودان څخه رارسېدلي راپورونه وايي، د پلازمېنې خرطوم پر شاوخوا سیمو د راکټي حملو په نتیجه کې لسګونه کسان وژل شوي او لسګونه نور ټپیان دي. مرستندویې ډلې وايي چې دا د تلفاتو لومړنۍ شمېرې دي او ښايي د مړو په شمېر کې نور زیاتوالی هم راشي.
نور راوښيه
