که څه هم نن او پرون د پاکستان پلازمینه اسلام اباد په اسلامي ټولنو کې د نجونو د زده کړو پر ملاتړ د نړیوالې غونډې کوربه دی، خو په وروستیو دوو ورځو کې په دې هیواد کې داسې پېښې رامنځته شوې چې په لسهاوو کسانو ته یې مرګژوبله اړولې ده.
د پاکستان په پلازمینه اسلام اباد کې په اسلامي ټولنو کې د نجونو د زده کړو د ملاتړ په موخه اسلامي هېوادونه او نړیوال سازمانونه راټول شوي دي. په ناسته کې به د طالبانو له خوا په افغانستان کې د نجونو پر زده کړو د بندیزونه په اړه هم خبرې وشي.
یو شمېر کسان چې ادعا کوي د کورنۍ غړي یا خپلوان یې تېرو کلونو کې د بهرنیو ځواکونو په بریدونو کې وژل شوي اوس له نړیوالې ټولنې عدالت غواړي او وايي دوی ته باید غرامت هم ورکړل شي. دوی له ازادي راډیو سره په خبرو کې تور لګولی چې د بهرنیو ځواکونو په بېلابېلو عملیاتو کې یې د کورنۍ غړي په قصدي ډول وژل شوي.
یوشمېر افغان میرمنې وايي، چې پر ښځینه حمامونو بندیز د میندو او کوچنیو ماشومانو ژوند په ځانګړې توګه په ژمي کې ستونزمن کړی دی. دوی ازادي راډيو سره په خبرو کې وویل چې په کورونو کې د حمام کولو لپاره کافي امکانات نلري.
د خیبر پښتونخوا په پیښور ښار کې یوې محکمې د شاوخوا دوو میاشتو لپاره افغانستان ته د افغان سندرغاړو او هنرمندانو د ستنولو پریکړه وځنډوله. دغې محکمې تېره ورځ چارواکو ته امر کړی ترهغې چې د یادو افغان هنرمندانو د پناه غوښتنې د کېسونو په اړه پریکړه نه وي شوي دوی دې افغانستان ته نه ستنوي.
د قطر منځګړی وايي د منځني ختیځ لپاره یې د امریکا د متحده ایالتونو د منتخب ولسمشر ځانګړي استازي ته په غزه کې د اوربند پر مذاکرو معلومات ورکړي دي. د قطر تر څنګ مصر او د امریکا متحده ایالتونو هڅه کوي چې په غزه کې پر یوه اوربند موافقه وشي.
د پاکستان په پلازمینه اسلام اباد کې د نجونو د زده کړو په اړه نړیوال کنفرانس پیل شو. په دې دوه ورځنۍ غونډه کې د نجونو د زده کړو په اړه په کې بحثونه کېږي. له تعلیم محرومې افغان نجونې او د ښځو د حقونو فعالانې له دې ناستې تمې لري چې پر طالبانو به فشارونه وارد کړي څو نجونو ته د تعلیم زمینه برابره شي
د پاکستان صدراعظم شهباز شریف د نجونو د تعلیم په اړه په اسلام اباد کې پیل شوې دوه ورځنۍ نړیوالې غونډې ته ویلي چې د نجونو زدکړه یوه داسې موضوع ده چې د هغې لپاره مبارزه او پانګونه زښت زيات ارزښت لري.
د هرات ولایت اوسېدونکی عبدالبصیر (۲۳) کاله مخکې د کار او خپل واده د لګښت برابرولو لپاره ایران ته تللی و چې هلته معتاد شو، خو اوس یې خپله کوژدنه او اولادونه له لاسه وتلي او تش لاس خپل کلي ته راستون شوی دی.
د دایکنډي ولایت بزګران شکایت کوي چې د طالبانو حکومت که څه هم دوی د کوکنارو له کښت څخه منع کړي دي، خو له دوی سره یې د لازمو اقتصادي پروګرامونو او بديل کښت په برخه کې مرستې نه دي کړي.
د نوبل د سولې د جایزې ګټونکې ملاله یوسفزۍ وایي، د نجونو د زده کړې په اړه په اسلام آباد کې د اسلامي نړۍ د استازیو په غونډه کې به د افغان نجونو او ښځو د زده کړې په ملاتړ خپل غږ اوچت کړي.
د بشري حقونو یو بنسټ وايي، وروستیو تحولاتو ته په پام داسې ښکاري چې ۲۰۲۵م کال به هم د بشري حقونو له اړخه د افغانستان لپاره ښه کال نه وي.
نور راوښيه
