د افغانستان پاسپورټ یو ځل بیا په نړۍ کې د بې اعتباره پاسپورټونو په نوملړ کې راغلی دی. د هنلي موسسې د تازه راپور پر بنسټ د افغانستان پاسپورټ لرونکي کولای شي یوازې د نړۍ ۲۶ هېوادونو ته له ویزې پرته سفر وکړي. یو شمېر افغانان بیا د پاسپورټونو د وېش په لړۍ کې د فساد د موجودیت په اړه ادعاوې کوي.
د امریکا منتخب ولسمشرډونالډ ټرمپ وایي، د روسیې له ولسمشرولادمیرپوتین سره د ده د کتنې پرتنظیمولو کارروان دی. هغه وویل، پوتین د دې کتني غوښتونکی دی او دی هم دا غواړي، ترڅو په اوکراین کې روانه جګړه پای ته ورسول شي. کریملین وویل چې ولسمشرپوتین هم تیاردی چې له کوم قید او شرط پرته له ټرمپ سره وګوري.
د کرکټ نړیواله شورا «ICC» وايي د افغانستان کرکټ بورډ په دې هېواد کې د « طالبانو» د پالیسو لپاره مسول نه شي ګڼل کیدای. د کرکټ مشهوري ویب پاڼې «کرک انفوCricinfo» د کرکټ د نړیوالې شورا د یو ویاند قوله لیکلي چې د افغانستان کرکټ او لوبغاړو ته د هغه څه له کبله سزا نه ورکوي، چې دوی یې مسئول نه دي.
تېره شپه یو ځل بیا پاکستاني ځواکونو د کونړ سرکاڼو او دانګام ولسوالیو باندې د توپونو په لسګونو ډزې کړې دي. د طالبانو د حکومت یوې سرچینې ازادی راډیو ته دا بریدونه تایید کړل او ویې ویل دوی هم په غبرګون د پاکستاني پوځيانو ځینې اهداف ویشتلي دي.
چارواکو هیله ښوولې، چې له دې سره ښايي په لبنان کې چې په وروستیو کې له ناکراریو سره مخامخ دی، اصلاحاتو او ثبات ته زمینه برابره شي.
د پاکستان د بشري حقونو کمیسیون په اسلام آباد کې د افغان وګړو د ډله ییز توقیف په اړه اندېښنه څرګنده کړه.
د طالبانو د ریاست الوزرا سیاسي مرستیال مولوي عبدالکبیر د کډوالو او راستنېدونکو چارو وزارت د سرپرست په توګه ټاکل شوی دی.
د امریکا سلګونو پخوانیو سرتیرو او اوسنیو او پخوانیو فدرالي او ایالتي چارواکو له ګواښ سره د مخ افغانانو لپاره د متحدو ایالتونو د ځانګړو مهاجرتي ویزو او بیا مېشتېدنې د پروګرامونو د دوام غوښتنه کړې ده.
د اوکرایین په چارو کې د امریکا د منتخب ولسمشر ډونالډ ټرمپ ځانګړی استازی وايي، په هغو حل لارو کې چې پر بنسټ يې د ا وکرایین د جګړې د پای ته رسیدو هڅې کیږي، د دې هېواد ګټې په پام کې نیول کیږي. کیت کیلوګ ویلي، دغه حل لارې به عادلانه وي.
د بشري حقونو د فعالانو تړون ویلي چې په پاکستان کې افغان کډوال د طالبانو د ظلم او ستم قرباني دي.
ملګري ملتونه په انټرنېټي نړۍ کې د کرکجنو څرګندونو او ناسمو معلوماتو د خپرېدو په اړه اندېښنه ښيي وايي، دغه پدیده نه یوازې په خواله رسنيو، بلکې د خلکو په ورځني ژوند کې هم جدي ستونزې رامنځته کوي.
د سره صليب او سرې مياشتې ټولنې نړيوال فدراسيون په افغانستان کې د وروستۍ سړې څپې پر پراخو اغېزو اندیښنه څرګنده کړې.
نور راوښيه
