41 жаштагы кубалык балбан Михаин Лопес Нуньес грек-рим күрөшүнөн Олимпиада оюндарындагы бешинчи алтын медалын утту.
Иран менен Израилдин ортосунда согуш тутануу ыктымалдуулугу Жакынкы Чыгышты соңку жылдардагы эң ири кризиске кептеди. Буга Тегеранда ХАМАСтын саясий лидери Исмаил Ханиянын жана ага чейин Бейрутта "Хезболла" террордук тобунун аскердик командачысынын өлтүрүлүшү түрткү болду.
Кыргызстандын Орусиядагы элчиси болуп Улуттук банктын мурдагы төрагасы Кубанычбек Бөкөнтаев дайындалды. Орус жергесиндеги мигранттарга басым күчөгөн шартта Москвадагы элчиликтин дарегине сын айткандар арбын. Жаңы элчи мигранттар менен кандай иштешет? Ал эмнелерге көнүл бурушу зарыл?
Британияда бир нече күндөн бери тоз-тополоң токтобой келатат. Бир жума мурун Саутпорт шаарындагы бий клубунда үч секелекти өлтүрүп кетишкенден кийин башталган башаламандык өлкөнүн башка жерлерине жайылды.
Парижде өтүп жаткан Олимпиада оюндарында Кыргызстанга биринчи медалды күтүлгөндөй эле күрөш боюнча балбандар алып келди.
Өрүк майынын дарылык касиети күч. Төө буурчактан балдарга буламык даярдаса болот. Өзгөн күрүчү пайдалуу, минералдык заттарга бай. Бул тууралуу техника илимдеринин кандидаты, доцент Жамила Сманалиева айтып бермекчи.
6-августта Камала Харрис вице-президенттикке Миннесота штатынын губернатору Тим Уолзду тандаганын расмий жарыялады. Ноябрдагы шайлоодо Харрис президент Жо Байдендин ордуна ат салышары белгилүү болгондон бери республикачыларга каршы аны менен кошо ким чыгары кызуу талкууга айланган эле.
Кыз-келиндер күрөшүнөн 68 килограммга чейинки салмакта Мээрим Жуманазарова күмүш медалга ээ болду. Бул Кыргызстандын спорт тарыхындагы эң чоң окуялардын бири. Ошондой эле грек-рим күрөшүнөн Жоломан Шаршенбеков Кыргызстанга коло медал утуп берди.
"Эркин Европа/Азаттык” радиосунун татар-башкыр кызматынын журналисти, эки кыздын энеси Алсу Курмашева орус түрмөсүнөн бошотулгандан кийин алгачкы ирет маек берди. Ал Казан шаарында дээрлик бир жылдай тергөө абагында отурган соң өткөн аптада туткун алмашуу боюнча жараяндын алкагында бошотулду.
Парижде өтүп жаткан Олимпиада оюндарында күрөш боюнча мелдештер башталды. Алтын үчүн башкы талапкер делген эки кыргыз балбаны финалга өтө алган жок.
5-августта швециялык рекордсмен, 24 жаштагы Арман Дюплантис күтүлгөндөй эле алтын медал жеңди. Шыргый менен бийиктикке секирүүдө анын атаандаштары 6 метрге да жете алган жок.
Орусия Борбор Азия мигранттарга эрежелерди катаалдаштырган шартта кыргыз бийлиги Евразия экономикалык биримдигине мүчө экенин эске салды.
Дагы жүктөңүз
