ҚАЗАҚСТАН

"Полиция атқан оқ мәйіттен табылды". Шымкенттегі Қаңтар қырғынының жазылмаған жарасы

2022 жылғы 5 қаңтарда Шымкентте әкімдік алдында атылған оқтан 20 адам қаза тапты. Билік іс қозғап, марқұмдар "Жаппай тәртіпсіздік" бабымен күдікке ілінді. Кейін "айып дәлелденбегендіктен" іс қысқарды. Қаңтар оқиғасына үш жыл толғанда Азаттық бірнеше марқұмның туысымен тағы да сөйлесті.

2024 жылы Ресей Қазақстандағы ықпалын арттырды ма?

2024 жылы Ресей Қазақстандағы ықпалын күшейтті ме? Оқшауда қалған Кремль сыртқы саясатта аймақ пен Қазақстанға басымдық беріп жатыр ма? Мәскеу неліктен аймақтың энергетика саласында белсенді? Астана Мәскеумен қарым-қатынасын қаншалық теңгере алды?

Сот мемлекетке қайтарылсын деді, генерал келіспеді. 20 жыл бұрын берілген жердің дауы

Алматының экономикалық соты Іле Алатау ұлттық паркімен шектесетін, 20 жыл жалға алынып, кейін жеке меншікке өтіп кеткен 846 гектар жерді мемлекетке қайтаруға пәрмен берді. Жерге иелік етіп отырған отставкадағы генерал Павел Новиков сот әділетсіз әрі заңсыз шешім шығарды дейді.

2025 жылы Қазақстанда ел жағдайы қалай өзгереді? Әлде өзгермей ме?

"Зымыран зақымдаған". Ұшақ апаты жайлы тың дерекке Қазақстан мен Әзербайжандағы реакция

Батыс басылымдары Ақтау маңында құлаған ұшаққа ресейлік зымыран тиген деген ақпарат таратты. Мәскеу ресми тергеу аяқталғанға дейін долбар жасамауға үндеді. Апат салдарынан азаматтарынан айырылған Әзербайжан мен Қазақстандағы реакция қандай?

Әзербайжанның жолаушы ұшағына Ресей зымыраны тиген деп жазды БАҚ. Оған қандай айғақ бар?

Батыс ақпарат агенттіктері Әзербайжан билігіндегі дереккөздеріне сүйеніп, Қазақстанда құлаған Azerbaijan Airlines ұшағына Ресейдің атқан зымыраны зақым келтірген деп жазды. Мәскеу ресми тергеу аяқталғанға дейін долбар жасамауға үндеді. Осы тақылеттес сөзді Қазақстанның ресми тұлағалары да айтты.

2025 жылы Қазақстанды не күтіп тұр?

Инфляцияны тежеу, бюджет дефицитін азайту, мұнай экспортын диверсификациялау және адам құқықтары ахуалын жақсарту... Қазақстан 2025 жылы назар аударуы тиіс экономикалық, саяси және қаржылық қиындықтардың бір парасы – осылар.

Ақтаудағы ұшақ апатына Ресей әуе қорғаныс жүйесінің қатысы бар деген болжам айтылды

Ақтау маңына құлаған Әзербайжан әуе компаниясының ұшағында болған 67 адамның 38-і қаза тапты. Олардың арасында Қазақстанның алты азаматы бар. Аман қалған 29 адам ауруханаға түскен.

"Ұшқыштар адамдарды аман алып қалуға тырысқан". Ақтаудағы апат туралы сұхбат

25 желтоқсан Әзербайжан әуе компаниясының Embraer 190 жолаушы ұшағы Ақтау маңында апатқа ұшырады. Ұшақ Бакуден Грозныйға бет алған. Бірақ ресми дерек бойынша, Грозныйда қалың тұман болғандықтан, Ақтауға жөнелтілген. Бірақ Ақтау әуежайына жете алмай қала маңындағы жазыққа бауырлай құлаған.

Ұшақ апаты: 38 адам қаза тапты. 29 жолаушы ауруханаға түскен

Маңғыстау облысының орталығы Ақтау қаласының маңына жолаушы ұшағы құлады. Ресми дерекке сай, Бакуден Грозныйға бара жатқан ұшақта барлығы 67 адам болған. Алдын ала мәлімет бойынша, Грозныйда тұман болғандықтан ұшақ әуелі Махачқалаға, кейін Ақтауға қонбақшы болған.

Уақыт белдеуінің ауысуы Қазақстанға қалай әсер етті? Билік пен жұрттың пікірі

Қазақстанның шығысында орналасқан Өскемен қаласында қазір сағат 15:30-да күн батады. Бұл былтырғы жылдан бір сағатқа ерте. Көктемде үкімет жер көлемі бойынша әлемде тоғызыншы орында тұрған елдің барлық өңірін бір уақыт белдеуіне ауыстырған.