Ақтөбеден 25 шақырым жердегі Шилісай ауылында 300-ге жуық адам тұрады. Қалаға қарайтын ауылдан халыққа жер беріле бастағанына тоғыз жыл болды. Содан бері суды жалғыз құдықтан тасып ішіп, жауын-шашын болса жолсыз ауылда үйден шыға алмай қаламыз дейді ауыл халқы. Балалары көрші ауылдарға қатынап оқитын жұрт көптен күткен мектеп құрылысы да бітер емес деп шағынды. Азаттық тілшісі ауылдағы жағдаймен танысып қайтты.
Азаттық жүргізген "Дубайдағы Қазақстан" зерттеуінің соңғы бөлімін ұсынамыз. Бұған дейін Араб Әмірліктерінен үй алған мұнай саласы топ-менеджерлері, полковниктер мен генералдар, министрлер мен әкімдер туралы айтсақ, бұл жолы бұрынғы президент Нұрсұлтан Назарбаев әулетінің активтерін көрсетпекпіз.
Миллиардер Болат Өтемұратов иелігіндегі "31-телеарна" мен informburo.kz интернет порталын сатты ма, әлде сыйға тартты ма? Медиахолдингтің жаңа иесі кім? Мемлекет қолдауымен құрылған үкіметтік емес ұйымға телеарна мен ақпараттық портал не үшін керек болды?
Қазақстанда бір топ журналист мәдениет және ақпарат министрлігін сотқа берді. Бұған министр Аида Балаева бекіткен аккредиттеу ережесі түрткі болған. Журналистер "Масс медиа" заңына ілесе қабылданған бұл ереже сөз еркіндігін шектеп, ақпарат алу және тарату құқығын бұзып отыр дейді.
Қазақстанда 9 журналист бірігіп, сотқа Мәдениет және ақпарат министрлігінің ережесі жөнінде шағым түсірді. Олар министр Аида Балаева бекіткен "Журналистерді аккредитациялаудың үлгілік ережесі" сөз еркіндігі мен ақпарат таратудағы конституциялық құқықты бұзып отыр дейді. Журналистерді бұл қадамға не итермеледі?
Орал соты жергілікті "Уральская неделя" газеті "сайлаумен байланысты қоғамдық пікірге сауалнама жүргізу ережесін бұзды" деп тауып, басылымға 110 мың теңге айыппұл салды. Газет АЭС жайлы референдумге қатысты жұрттан блиц-сауал алғаны үшін жазаланды. Бұл жайт журналистер арасында "сайлау не референдум қарсаңында халықтың ой-пікірін білуге болмай ма?" деген заңды сұрақ туғызды.
Азаттықтың Дубайдағы мүліктер туралы зерттеуінің 5-бөлімінің кейіпкерлері – бұрынғы министрлер мен комитет басшылары. Тіпті министрлік қарамағындағы комитет төрағасының орынбасары болған адамдар да Араб Әмірліктерінен мүлік алған.
Қарағанды облысының Қарқаралы ауданында алапат өрт болып, мал қырылып, жайылым жарамсыз болып қалды. Төтенше жағдайлар министрлігінің мәліметіне сүйенсек, өртенген аумақ 35 мың гектардан асып кетті. Өрт сөндіру кезінде 33 жастағы құтқарушы Хали Хайрат қаза тауып, бірнеше адам зардап шекті. Үш күннен кейін, 9 қазанда ТЖ қызметі өрт толық өшірілді деп мәлімдеді. Азаттық өрт болған жерге барып қайтты.
Қазақстанда 6 қазанда атом электр станциясын салу бойынша референдум өтті. Алдын ала жарияланған ресми қорытындыға сенсек, дауыс бергендердің 71 пайызы елде АЭС салуды қолдаған. Бұл – Қазақстандағы төртінші, Тоқаев билікке келгелі өткен екінші референдум. Бұл референдум Тоқаевқа не береді? Референдум өткізіп, "халықтың пікірін сұрау" арқылы ол "еститін үкімет" қағидасын орындады ма?
АЭС салу туралы референдум өткен күні Қазақстан президенті Қасым-Жомарт Тоқаев дауыс беретін учаскесін өзгертті, көптен бері жұрт көзіне түспеген экс-президент Нұрсұлтан Назарбаев төбе көрсетті. Азаттық тілшісі Астанадағы дауыс беру барысын бақылаған еді.
Қазақстанда АЭС салу бойынша референдум қалай өтті? Дауыс беруге құқығы бар қанша адам учаскеге келді? Экзит-полл нәтижесі қандай болды? Азаттық 6 қазандағы саяси науқанның алғашқы қорытындыларын шолып шықты.
Тағы
