ӘЛЕУМЕТ

Бірыңғай уақыт белдеуіне қарсы петицияға 35 мың адам қол қойды

Қазақстанда бірыңғай уақыт белдеуіне көшу төңірегіндегі дау әлі басылар емес. Бұрынғы сағат белдеуін кері қайтаруды талап еткендер петиция жариялаған. Қазір оған 35 мыңнан астам адам қол қойған.

"Шанхайдың" болашағы бар ма? Майқайың халқының үрейі мен үміті

Павлодар облысы Майқайың кенті маңындағы "Шанхай" ауданының халқы өздерін көшіруді биліктен талап етіп отыр. Олар қаңтардың басында қаза тапқан құтқарушылар мінген автобус секілді өз үйлері де жер астында қала ма деп қорқады. Тұрғындар өтінішіне әлі күнге ешкімнен мардымды жауап болған жоқ.

"Мұнша ақшаға жаңасын салуға болар еді". Балалар үйі түлектерінің баспанасы қалай жөнделді?

Қазынадан жарты миллиард теңгеден астам қаражат бөлініп, күрделі жөндеуден өткен Оралдағы "Шаңырақ" жасөспірімдер үйінің жағдайына тұрғындарының – балалар үйі түлектерінің көңілі толмайды. Бірнеше ай бойы уақытша баспана жағалап, үйіне оралған олар енді ыңғайсыз бөлмелерде тұруға мәжбүр.

Тас қараңғы арал, жарыққа жұмсалған есепсіз миллион мен қоғам наразылығы

Семейде көшені жарықтандыру мәселесі төңірегінде тағы да дау шықты. Жергілікті қоғам белсенділері "орнатылған шамның көбі адам өміріне қауіпті" десе, әкімдіктегілер "ақаудың бәрін түзеттік, қорқатын дәнеңе жоқ" деп отыр.

Құлсарыдағы наразылық: тасқын қиратқан үйдің өтемақысы неге дау тудырды?

Құлсары қаласында су тасқынынан зардап шеккен тұрғындар үкіметтен құлаған үйдің әр шаршы метрін 400 мың теңгеден бағалап, өтемақы төлеуді сұрайды. Билік өкілдері үйдің шаршы метрін 200-240 мың теңгеден бағалап өтемақы есептеуге дайын екенін айтады. Тұрғындар арасында бұған көнбейтіндер де, келісетіндер де бар.

"Тасқынның беті қайтты, қиындық енді басталды". Ауыл шаруашылығына салдары қандай?

Ауыл шаруашылық жерлердің сапасы төмендеп, мал моласын су шайып, өтемақы мәселесі шешілмей тұр. Көктемде Қазақстанның бірнеше өңірін су басқаннан кейінгі жағдай осындай. Қазақстандық шаруаның жайы не болады? Ел ғаламдық климаттың өзгеруіне қалай бейімделуі керек? Азаттық осы және өзге де сұрақтарды экология және ауыл шаруашылығы саласындағы сарапшылармен талқылады.

Қазақстандағы Қырым татарлары тарихындағы қаралы күн

Суға уран араласты ма? Тасқыннан соң өзен ластанды ма деген қауіп күшейді

Биыл көктемде Қазақстанның батысы мен шығысын және Ресейдің оңтүстік өңірлерін әбігерге салған алапат су тасқыны екі елдің аумағымен ағатын өзендерді қаншалықты ластады, салдары қандай болмақ деген сұрақ тудырды. Екі ел арқылы ағатын Тобыл өзеніне су басқан ұңғымалардан уран араласып кеткен болуы мүмкін деген ақпарат тәуелсіз экологтарды алаңдатып қойды. Егер су ресурстары радиациямен ластанатын болса, Астананың қандай да бір іс-шара жоспары бар ма?

Бишімбаев ісінен кейін әйелдер үйдегі әлімжеттікті жиі айта бастады

Қазақстанда қазіргі және бұрынғы шенеуніктердің әйелдері отбасында қорлық көріп, зорлық-зомбылыққа ұшырайтынын жиі айта бастады. Мұндай мәлімдемелер әйелін қатыгездікпен өлтірді деп айыпталған бұрынғы экономика министрі Қуандық Бишімбаевтың соты мен ел президенті тұрмыстағы зорлық-зомбылықты қылмысқа теңестіретін жаңа заңға қол қойғаннан кейін жасалып жатыр.

Депортация қаупі төнген ауған қазағы бостандыққа шықты

Қазақстан азаматтығын алуға өтініш берген ауған қазағы Сәми Ата Ғұл 15 мамырда Ақмола облысы Целиноград аудандық полиция бөлімінің уақытша ұстау изоляторынан босап шықты. Сол күні таңертең ІІМ Көші-қон комитеті қызметкерлері оны үшінші рет ұшаққа салып жіберуге тырысқаны белгілі болды.

"Қоғам пікірі" мен "саяси астар" Бишімбаев үкіміне әсер етті ме?

"Азаматтық некедегі әйелін өлтірді" деп айыпталған бұрынғы ұлттық экономика министрі Қуандық Бишімбаев пен оның "қылмысты жасырды" деп айыпталған туысы Бақытжан Байжановқа шыққан үкімді қоғам әртүрлі қабылдады. Жәбірленуші тарап сот ұйғарымына "келіссе", феминистік белсенділер "өмір бойы түрме жазасына кесуді" талап етіп көшеге шықты. Ал құқық қорғаушылар үкімге "қоғам пікірі мен істің саяси жағы әсер етті" дейді.