Ресей президенті Владимир Путин бейсенбіде елдің қарулы күштері орта қашықтыққа ұшатын жаңа баллистикалық қару түрімен Украинаға шабуылдағанын мәлімдеді. Ол мұны "америкалық және британдық алысқа ұшатын қаруды" пайдаланған Киевтің әрекетіне қарымта деп атады. Осыдан кейін Қазақстан билігі "Украина төңірегіндегі жағдайдың ушығуына байланысты" елдегі әскери және азаматтық нысандардың қауіпсіздігін күшейту қажеттігін айтты.
Қазақстанда АЭС туралы референдум өткен күні дауыс беру жәшігіне топтап бюллетень салып жатқан адамның видеосы әлеуметтік желіде жаппай тарап кетті. "Ұлы көш" қоғамдық қорының тәуелсіз байқаушысы Берік Әбенов видеоны Түркістан облысы Ордабасы ауданы Темірлан ауылындағы №456 референдум учаскесінде түсіргенін айтты. Аумақтық референдум комиссиясы оны "бұрын түсірілген видео" деп жоққа шығарды. Бұдан соң екі жақ та үнсіз қалған. Азаттық Factcheck.kz-пен бірге осы видеоға фактчек жасады.
Түркі мемлекеттерінің ұйымы мүше елдерге интеграция және ынтымақтастықтың балама мүмкіндіктерін береді, сөйте тұра бұл ұйым аймақтағы басқа бірлестік және державалармен бәсекеге түспейді, дейді Таяу Шығыс университетінің ассистент профессоры Әсел Тутумлу. Түркі мемлекеттерінің ұйымы Қазақстанға не ұсына алады? Аймақта Анкараның ықпалы күшейіп жатыр ма? Түркия әскери салада аймақта Ресейдің орнын баса ала ма? Азаттық осы сұрақтарды Әсел Тутумлумен талқылады.
Дональд Трамп араға төрт жыл салып АҚШ президенті болып қайта сайланды. Ол Украина мен Ресей арасында соғыс, Таяу Шығыста қарулы қақтығыс болып жатқан шақта Ақ үйге оралмақ. Сайлаушыларға елдің ішкі мәселелерін басты орынға қоюға уәде еткен Трамп биліктегі екінші мерзімінде қандай саясат жүргізеді? АҚШ-тың Орталық Азия мен Қазақстанға қатысты саясаты өзгере ме? Қазақстандық сарапшылар мен депутаттардың пікірін сұрадық.
Қазақстан президенті Қасым-Жомарт Тоқаев Парижде мемлекеттік сапармен жүр. 5 қарашада ол Франция президенті Эмманюэль Макронмен және өзге де ресми тұлғалармен кездеседі. Француз басылымдары талқыланатын тақырыптар арасында өзгелермен қоса, Украинадағы соғыс, Қазақстанда АЭС салу мәселесі де бар деп жазды.
3 қарашада Молдова президентін сайлаудың екінші туры өтті. Сайлауға Мәскеу киліккені жайлы айыптаулар айтылып жатқан шақта жарияланған алдын ала қорытындыға сай, қазіргі президент, батысшыл саясаткер Майя Санду жеңіске жетті.
5 қараша күні АҚШ президентін сайлау өтеді. Ақ үйде кім отыратыны әлемдік саясатқа ықпал етеді, ал сайлау додасы тартысты болады. Сол себепті бұл науқанды бүкіл әлем қызықтап отыр. Бірақ америкалық сайлаудың күрделі тұстары да бар. Соларды тарқатып көрелік.
АҚШ үкіметі жариялаған кезекті санкцияға қазақстандық Kazstanex компаниясы да ілінді. Ол Ресейге сатуға тыйым салынған жабдықты Еуропадан алып, Қытай арқылы тасымалдаған деген күдікке қалған. Азаттық мәселені компанияның өзінен сұрауға талпынғанымен, ол байланысқа шықпай қойды.
28 қазан кешке Грузия парламенті алдына мыңдаған адам жиналды. Билікті парламент сайлауының нәтижесін бұрмалады деп айыптап, наразылық білдірген халықпен бірге оппозиция лидерлері және ел президенті Саломе Зурабишвили де болды. Олар сайлауды қайта өткізуді талап етті.
Биліктегі "Грузин арманы" партиясы парламенттегі орындардың жартысынан көбін иеленгенін жариялады. Оппозиция сайлаудың ресми нәтижесіне келіспейтінін мәлімдеді. Грузия президенті де қарсылық білдіріп, жұртты жаппай акцияға шақырды. Халықаралық және жергілікті бақылаушылар сайлауға бағасын берді.
Татарстан астанасында БРИКС саммиті өтіп жатыр. Ұйымға мүше тоғыз мемлекетті қосқанда жиынға 36 елдің ресми өкілдері қатысып отыр, олардың арасында БРИКС құрамына кіруге асықпайтын Қазақстан президенті де бар. Бұл саммит несімен маңызды? БРИКС-тің әлемдік геосаясаттағы рөлі қандай?
АҚШ-та 5 қараша күні президент сайлауы өтеді. Үміткерлердің сыртқы саясаттағы ұстанымы әлемдегі көп елдің саясатына, сауда және экономикалық қатынасына әсер етері анық. Олардың климат өзгеруіне, Украинадағы соғыс пен Ресейге салынған санкцияларға қатысты ұсыныстарының Орталық Азия елдеріне, оның ішінде Қазақстанға ықпалы қандай болуы мүмкін?
Тағы
