Цэзій-137

Цэзій-137. З Горадні ня варта пераяжджаць у Менск

Журналістка Свабоды Ганна Соўсь правяла экспэрымэнт. Улетку яна сямнаццаць дзён адпачывала ў Беларусі і спажывала пераважна мясцовыя харчы. За гэты час у яе арганізьме адбылося павышэньне ўзроўню радыеактыўных рэчываў — з 10 да 14 бэкерэляў на кіляграм. Экспэрымэнт працягнулі калегі зь Менску і абласных цэнтраў. Праверыў наяўнасьць радыеактыўных рэчываў у сваім арганізме і гарадзенскі карэспандэнт Свабоды.