Жыхары лагойскіх вёсак Кроква і Цна ня могуць хадзіць у лес і на раку, бо тут агароджваецца вялізны ўчастак, аддадзены ў арэнду на 99 гадоў Аб’яднаным Арабскім Эміратам.
У Івейскім раёне цялушкі зьбеглі з фэрмы і тры месяцы блукаюць па лесе.
У Беларусі штогод пазбаўляюць віду на жыхарства некалькі тысяч іншаземцаў. Часта такім людзям няма куды вяртацца, бо ўся іх сям’я — у Беларусі. Высылка абарочваецца для іх трагедыяй. У нікуды дэпартавалі і 70-гадовую ўкраінку Людмілу Лазар.
21 жніўня Аляксандар Лукашэнка паабяцаў наведаць Капыльскі раён — «самы аддалены раён Менскай вобласьці». Насамрэч, ён агаварыўся. Як удакладнілі на дзяржаўным тэлебачаньні, ён паедзе ў Крупкі. Чаго каштавала памылка прэзыдэнта, мы даведаліся ў жыхароў Капылю.
На мінулым тыдні вандалы пашкодзілі дзясяткі надмагільляў на старых могілках у Лідзе. Сьледчыя знайшлі падазраваных — 10-гадовага хлопчыка і ягоную 7-гадовую сястру. Аднак валянтэры, якія аднаўляюць могілкі, і бацькі падазраваных ня вераць, што на такое злачынства магло хапіць сілы ў малых дзяцей.
Браслаўшчына — адзін зь нешматлікіх рэгіёнаў краіны, дзе азёрныя астравы былі жылымі. На адным зь іх 500 год таму пасяліліся манахі. У жніўні журналісты Свабоды пабывалі на першых за 20 год археалягічных раскопках на востраве Манастыр.
У Віцебску пустуе частка незапатрабаваных заводзкіх будынкаў. Заняць былыя прамысловыя плошчы маглі б культурніцкія цэнтры. Чаму гэты працэс ідзе вельмі павольна, Свабодзе распавялі ўласьнік першага ў Віцебску індустрыяльнага лофту і гаспадыня арт-прасторы VZAP у будынку буйнога заводу.
«У жылой зоне, у цэнтры гораду паставіць завод. Да вокнаў жылога дома ад заводу будзе 31 мэтар», — 1 жніўня ў Лагойску прайшоў сход. Абмяркоўвалі справаздачу аб узьдзеяньні на навакольнае асяродзьдзе перапрацоўчага заводу мясных паўфабрыкатаў глыбокай замарозкі.
У Горадні захаваўся нататнік, які вёў вязень гета ў 1943 годзе. Сёлета 23 ліпеня ў горадзенскім «Цэнтры гарадзкога жыцьця» паказалі пэрформанс паводле нататніка.
4 гады таму Марыя Кашляк пайшла ў міліцыю і папрасіла прыгледзецца да паводзінаў 16-гадовага ўнука. Празь некалькі дзён яго забралі і асудзілі на 9 гадоў.
Колькі імёнаў людзей, якія загінулі падчас акупацыі выпадкова альбо на загад ад рук савецкіх партызанаў, не ўключылі ў кнігі «Памяць»? Дзясяткі, сотні ці тысячы? Некаторыя ахвяры робяцца вядомымі дзякуючы добраахвотным дасьледчыкам.
Сёлета «Славянскі базар» у Віцебску праходзіць 28-ы раз. І пакуль адны намагаюцца прыцярпецца да часовых нязручнасьцяў, другія разглядаюць базар як пляцоўку для самарэклямы і дадатковага заробку.
За два гады да затрыманьня Віктара Лемяшэўскага праваахоўныя органы ўжо цікавіліся дзейнасьцю ягонага заводу ў Белаазёрску. Тады абышлося бяз арыштаў.
Трэці дзень на могілках у горадзе Сьвіслач на Горадзеншчыне ідуць працы па эксгумацыі парэштак, які могуць належаць брату Кастуся Каліноўскага Віктару.
Свабода распачынае цыкль публікацый пра сытуацыю ў анэксаваным Крыме. За што кідаюць у турмы апанэнтаў крамлёўскага рэжыму? Пра што пішуць манапалізаваныя СМІ? Ці паўплывалі міжнародныя санкцыі на побыт крымчукоў? Пабылі на паўвостраве і расказваем, што ўбачылі.
Месца, дзе 7 ліпеня здарылася трагедыя, — побач зь Белаазёрскай электрастанцыяй. Ад цэнтру гораду да яго каля 15 хвілін на аўтамабілі. Побач з каналам, у які заехаў перапоўнены аўтамабіль, некалькі дачных пасёлкаў. У адным зь іх перад трагічнай паездкай і адпачывала кампанія.
Навукоўцы шукаюць новыя лекі ад раку, лекары пішуць пра шкоду мяса ці карысьць цукру. На Палесьсі дагэтуль спрабуюць даць рады хваробам замовамі і зёлкамі. Свабода выправілася ў Янаўскі раён на Берасьцейшчыне, каб пашаптаць зьляк (пярэпалах) і зьняць сурокі.
49-гадовая жыхарка райцэнтру Слаўгарад Магілёўскай вобласьці Анжаліка Калатазішвілі наноў навучылася хадзіць і сутыкнулася з жыцьцём, поўным нягодаў і абмежаваньняў.
Ваколіцы Ліды на Горадзеншчыне сьмярдзяць нечыстотамі, на рэчцы Дзітве паздыхалі сотні кіляграмаў рыбы, вада стала брудная, з плямамі. Людзям тлумачаць, што паміж дохлай рыбай, брудам і смуродам ня варта праводзіць прычынна-выніковыя сувязі, бо галоўная прычына — сьпёка.
Васіль Быкаў пражыў у Горадні 30 год. За гэты час зьмяніў зь дзясятак адрасоў. У памяці гарадзенцаў засталіся тры зь іх. Карэспандэнты Свабоды завіталі ў госьці да тых, хто цяпер жыве ў кватэрах пісьменьніка, і нечакана натрапілі на сям’ю ягонага ўнука Яўгена.
Яна пасярод поля каля вёскі Дварэц у Лунінецкім раёне. Па ягады сюды прыяжджаюць з усёй краіны і нават з-за мяжы.
Самая вострая праблема Беларусі — сыстэма адукацыі, лічыць госьць «Інтэлектуальнага клюбу» нобэлеўскай ляўрэаткі Сьвятланы Алексіевіч Віктар Пракапеня, заснавальнік інвэстыцыйнай кампаніі VP Capital. Тэма размовы 13 чэрвеня — «Сьвет будучыні. Як Беларусі ўпісацца ў глябальны кантэкст?»
Музыка і мастак Яўген Палавінскі прыдумаў для Віцебску новы звычай — каб штодня на ратушы граў музыка-духавік. Аўтар ідэі запрасіў карэспандэнтаў Свабоды разам падняцца на вежу, каб спраўдзіць задуманае ў тэставым рэжыме.
Яна любіць кнігі пра Маму Му, яе мама «можа ўсё», а тата — круты астраном.
Арцём Зінкевіч хварэе на расьсеяны склероз. Ад гэтага апынуўся ў інвалідным вазку. Жыхар Мазыра зьняў ролік, як ён паўзе ў прыбіральню лякарні — бо вазок не пралазіць у дзьверы.
Бацькі магілёўскага інспэктара ДАІ Яўгена Патаповіча, які загадкава загінуў 16 траўня, ня згодныя з асноўнай вэрсіяй сьледзтва, суіцыдам. У інтэрвію Свабодзе яны заявілі, што іх сын ня мог сябе забіць, бо для гэтага не было падстаў. Яны настойваюць на эксгумацыі цела і новай экспэртызе.
У траўні стала вядома, што зьнік адзіны ў Беларусі музэй Барыса Кіта. Імя Кіта прыбралі з назвы, хоць экспазыцыя засталася. Рэпартаж з Наваградку, дзе захаваўся найбольшы архіў, прысьвечаны «найпершаму ў сьвеце беларусу» (словы Васіля Быкава) і дзе яшчэ памятаюць усясьветна вядомага навукоўца.
У вёсцы Ракі на беларуска-літоўскай мяжы праваслаўныя і каталікі ад 1995 году моляцца ў адной капліцы. Кожныя займаюць сваю частку будынка. Тут два крыжы, два алтары, дзьве спавядальні. І моляцца тут па чарзе. Мы наведалі капліцу, калі тут праходзілі дзьве службы запар.
Год таму ў сям’і Гулецкіх са Смаргоншчыны здарылася трагедыя — моцна траўмаваўся сын. Бацькі да сёньня ня могуць дараваць дактарам, што тыя ня здолелі аказаць кваліфікаваную дапамогу, залячыўшы яго да сьмерці.
Магілёў абмяркоўвае ўчорашняе забойства міліцыянта. Машыну зь меркаванымі злачынцамі дагэтуль шукаюць па ўсёй краіне.
У Магілёве зьявілася кандуктарка, якая гаворыць з пасажырамі па-беларуску. Большасьць пасажыраў гэта зьдзіўляе — у публічным ужытку ў Магілёве беларуская мова застаецца экзотыкай.
5 траўня спаўняецца 200 гадоў Станіславу Манюшку — аднаму з самых славутых беларускіх кампазытараў. Гэтая падзея ўключаная ў сьпіс памятных датаў UNESCO.
Намесьнік старшыні адміністрацыі Цэнтральнага раёну Менску Дзяніс Жыбуль выступіў супраць будаўніцтва шматпавярховага паркінгу на 900 машына-месцаў, які «Менскграда» прапануе пабудаваць у сталіцы паміж вуліцамі Кісялёва і Чычэрына.
Ігар Турчыновіч працуе званаром больш за дваццаць гадоў. Каб вызваліць час для любімага занятку, ён пакінуў працу тэлеінжынэра на «Віцязі» і ўладкаваўся ў ахову. Яго першы звон важыў каля шасьці кіляграмаў. Цяпер Ігар звоніць у дабравесьнік вагою болей за пяць тонаў.
У Менску з удзелам аўтара прэзэнтавалі кнігу Міленкі Ергавіча «Арэхавы палац», якую з харвацкай на беларускую мову пераклаў Сяргей Шупа. Раман выйшаў у выдавецтве Зьмітра Коласа.
Лямус стаіць у цэнтры Горадні, але паглядзець на яго без папярэдняй дамоўленасьці нельга — помнік архітэктуры знаходзіцца за высокім мурам. Лямус аддалі каталікам толькі ў 2003 годзе.
У пошуках хлопчыка ўдзельнічаюць 93 валянтэры.
Былыя супрацоўнікі нашумелай на ўсю краіну гаспадаркі расказваюць, чаму ідэя прэзыдэнта стварыць ідэальную гаспадарку цярпіць паразу.
У адміністрацыі Першамайскага раёну спрабавалі правесьці грамадзкае абмеркаваньне ўшчыльненьня кварталу ў цэнтры Менску ў межах вуліц Коласа — Калініна — Чорнага — Чарнышэўскага. Замоўнік праекту на прэзэнтацыю не прыйшоў, а архітэктары ня здолелі адказаць на ніводнае канкрэтнае пытаньне жыхароў.
Чырвоны сьцяг зь сярпом і молатам, пакой з хрустальным посудам у сэрвізе, газэты з навінамі аб сьмерці Сталіна — у райцэнтры Шчучын на Горадзеншчыне адкрыўся музэйны пакой, прысьвечаны СССР.
Бацькі заявілі, што прычынай ягонай сьмерці мог стаць выпадак гвалту ў вучэльні. Адміністрацыя вучэльні гэта адмаўляе. Сьледчы камітэт вядзе праверку.
«Таварышу Лукашэнку я вельмі ўдзячная, — кажа старая друйская цыганка Надзя. — Я за ўсё жыцьцё ані дня не працавала, а ён мне даў сацыяльную пэнсію! Я магу за гэта жыць, плаціць за сьвятло, тэлевізар, Zala — за ўсё».
Памежнае мястэчка Сьвіслач на Горадзеншчыне — адзінае месца ў Беларусі, дзе стаіць помнік Кастусю Каліноўскаму. Тут іх нават тры, а Ленін — усяго адзін. Як жыве сёньня радзіма кіраўніка паўстаньня 1863-1864 гадоў — у рэпартажы Свабоды.
Вінаватым у забруджваньні лесу пагражае 12 тысяч даляраў штрафу.
Бацька «дармаед», сын «ухіляецца» ад камісіі ваенкамату, дачка жыве ў сацыяльна небясьпечных абставінах, у камунальнікаў прэтэнзіі. Такой выглядае сямʼя Гуляшовых пасьля публічнай заявы пра адмову ад грамадзянства і ліста Аляксандру Лукашэнку.
У апошні дзень масьленічнага тыдня беларусы зьбіраюцца на «Чырачку». Так праводзяць зіму і гукаюць вясну, гуляюць у старажытныя беларускія гульні — «грушка» і «яшчур», сьпяваюць песьні і водзяць карагоды.
Ва ўсім Лагойскім раёне ўжо чатыры гады ня робяць абортаў. На пачатку 2015 году апошні гінэколяг мясцовай раённай бальніцы напісала заяву і адмовілася рабіць аборты. Мы сустрэліся з Ірынай Казлоўскай — лекаркай, якая ініцыявала гэты рух у горадзе.
Лыжкі, якая чапляюцца на руку, дошкі для перасадкі ды іншыя прылады для хворых, старых ды людзей з інваліднасьцю зьбіраецца вырабляць у Менску стартап OnWheels. Хлопцы перамаглі ў конкурсе сацыяльных праектаў і выйгралі 10 тысяч рублёў.
У Ружанах нясуць кветкі, цацкі, лямпадкі на месца страшнага здарэньня зь лесавозам, у выніку якога загінула 6-месячная Ева і яе бабуля Лідзія К., а маці Вікторыя трапіла ў лякарню. Карэспандэнт Свабоды пабываў на месцы трагедыі.
Аляксей Вусікаў, жыхар вёскі Княжыцы, што ў Шклоўскім раёне Магілёўскай вобласьці, з кузава легкавіка зрабіў уласную мадэль конкі. Ёю зьдзівіў аднавяскоўцаў і зьбянтэжыў шклоўскую ДАІ.
Загрузіць яшчэ
