Аляксандар Лукашэнка выдаў дырэктыву аб недапушчальнасьці ўмяшаньня дзяржаўных органаў і адказных асобаў у кампэтэнцыю адзін аднаго.
Як адзначаецца ў апублікаваным дакумэнце, Лукашэнка функцыі Нацыянальнага сходу, Савета рэспублікі, Савета міністраў, сваёй адміністрацыі, дзяржаўнага сакратарыяту Савета бясьпекі, Камітэту дзяржкантролю, генэральнага пракурора і падпарадкаваных яму пракурораў.
Лукашэнка даручыў скараціць колькасьць нарад, у тым ліку дыстанцыйных, абавязаў дзяржорганы вырашаць пытаньні ў сваёй кампэтэнцыі без перадачы іх на больш высокі ўзровень, адмовіцца ад рашэньняў рэкамэндацыйнага характару, спыніць фарміраваньне і функцыянаваньне саветаў, камісій і іншых экспэртных і кансультатыўна-дарадчых структур, «якія падмяняюць дзяржаўныя органы і арганізацыі».
Згодна з дырэктывай, плянуюць аптымізаваць склад арганізацыйных камітэтаў для падрыхтоўкі мерапрыемстваў, структуры і лік рэспубліканскіх і мясцовых дзяржаўных органаў, а таксама павялічыць эфэктыўнасьць замежных камандзіровак,
«Лічыць дасягненьне нулявой бюракратыі адной з стратэгічных задач усёй сыстэмы дзяржаўнай улады», — адзначаецца ў дырэктыве. Дзеля гэтага Лукашэнка даручыў мінімізаваць колькасьць дакумэнтаў на папяровых носьбітах і актывізаваць працу па лічбавізацыі.
Пасьля ўхваленьня новай Канстытуцыі, у якой павялічылі ролю Ўсебеларускага народнага сходу, Аляксандар Лукашэнка неаднойчы выказваў занепакоенасьць з нагоды магчымага дваяўладзьдзя і дубляваньня функцый.
Дзейнасьць Нацыянальнага сходу, ураду і пракуратуры таксама рэглямэнтуецца ў Асноўным законе.
Форум