Энэргетыкі зьліквідавалі тэхналягічныя парушэньні ў сетцы 0,4 кВ у 508 населеных пунктах Гомельшчыны. Пра гэта паведаміла Міністэрства энэргетыкі Беларусі.
Гэтая праца вядзецца на заяўкі спажыўцоў.
Паводле зьвестак на 12.00, з 630 населеных пунктаў Гомельскай вобласьці, дзе былі зафіксаваныя тэхналягічныя парушэньні ў сетцы 0,4 кВ, аднаўленчыя работы завершаныя ў 508-мі, у 122-х яны працягваюцца.
Задаволена больш за 2 тысяч заявак ад насельніцтва.
Агулам у ліквідацыі наступстваў непагадзі ў Гомельскай вобласьці ў цяперашні момант задзейнічана больш за 140 брыгад і 210 адзінак тэхнікі.
Кляса напружаньня электрычнай сеткі 0,4 кВ — асноўны эўрапейскі стандарт. Ураганы, якія пракаціліся па Беларусі ў ліпені, пакінулі сотні населеных пунктаў краіны з разбурэньнямі, без вады і электрычнасьці. Аднаўленьне ў некаторых мясьцінах зацягнулася.
З прычыны стыхіі ў Беларусі загінулі 6 чалавек. Горад Мазыр на некалькі дзён застаўся адрэзаным ад цывілізацыі. Людзі зладзілі самапомач з падвозам вады і магчымасьцю карыстацца токам, перш чым у сытуацыі зарыентаваліся ўлады рэгіёну і краіны.
Форум