Справу палітзьняволенай Віцебскі абласны суд пачаў у закрытым рэжыме разглядаць 11 сакавіка.
Актывістку абвінавачваюць у распальваньні сацыяльнай варожасьці альбо звады паводле ч. 1 арт. 130 Крымінальнага кодэксу.
Справу вядзе судзьдзя Галіна Бондал.
- Вольга Брыцікава адпрацавала на прадпрыемстве «Нафтан» 16 гадоў, яе звольнілі за выказваньні сваёй пазыцыі. Палітзьняволеную шмат разоў затрымлівалі за выказваньні супраць вайны і распаўсюд «экстрэмісцкіх» матэрыялаў.
- Цягам 2022 году яна правяла ў зьняволеньні 105 сутак, у тым ліку 75 запар.
- У 2020 годзе Вольга Брыцікава адбыла 75 дзён за кратамі запар — ёй прысудзілі пяць арыштаў за нібыта несанкцыянаванае пікетаваньне. Падчас арышту яна абвяшчала галадоўку пратэсту.
