Лоўрэнс Фосэт, 58-гадовы пацыент з тэрмінальнай хваробай сэрца стаў другім пацыентам у сьвеце, які атрымаў 20 верасьня гістарычную трансплянтацыю генэтычна мадыфікаванага сьвінога сэрца. Ён ідзе на папраўку і мае зносіны са сваімі блізкімі.
Першую такую гістарычную апэрацыю правялі летась у студзені 57-гадоваму Дэйвіду Бэнэту, апэрацыя прайшла пасьпяхова, аднак пацыент памёр праз два месяцы, сэрца не прыжылася.
Цяперашняя трансплянтацыя была адзіным даступным варыянтам для Фосэта, якому пагражала амаль дакладная сьмерць ад сардэчнай недастатковасьці. Цяпер ён дыхае самастойна, яго сэрца працуе нармальна без дапаможных прылад.
«Мая адзіная рэальная надзея была на выкарыстаньне сьвінога сэрца, ксэнатрансплянтату, – сказаў Фосэт. – Прынамсі, зараз у мяне ёсьць надзея і шанец».
Паводле дадзеных сайту organdonor.gov фэдэральнага ўрада, каля 110 000 амэрыканцаў чакаюць трансплянтацыі органаў, і больш за 6000 пацыентаў паміраюць штогод, не пасьпеўшы яе атрымаць.
