Судовае рашэньне прынятае па пазове Міністэрства замежных спраў, якое заявіла, што пры натуралізацыі Асанжа былі дапушчаныя адміністрацыйныя памылкі, перадае газэта El Comercio.
Слуханьне па справе адбылося на мінулым тыдні і доўжылася 20 хвілін. Асанж на ім не прысутнічаў. Ён знаходзіцца ў зьняволеньні ў Лёндане, дзе адбывае пакараньне за парушэньне ўмоў вызваленьня пад заклад. Яго выдачы дамагаюцца Злучаныя Штаты, там яму ставіцца ў віну незаконная публікацыя сакрэтных матэрыялаў і ўдзел у кібэратаках, яму пагражае да 175 гадоў пазбаўленьня волі.
4 студзеня суд у Лёндане пастанавіў не выдаваць Асанжа ЗША праз схільнасьць да суіцыду і існаваньне рызыкі для яго жыцьця. Вашынгтон абскарджвае рашэньне. З чэрвеня 2012 да 2019 году Асанж хаваўся ад арышту па абвінавачаньні ў сэксуальным гвалце на тэрыторыі амбасады Эквадора ў Лёндане. Марэна плянаваў пасьля выдачы грамадзянства акрэдытаваць яго як дыплямата, каб ён, карыстаючыся імунітэтам, мог выехаць з краіны. Аднак гэты плян ня ўдаўся.
Адвакат Асанжа Карлас Марэна заявіў у твітэры, што хуткі разгляд справы можа азначаць, што рашэньне па ім было прынятае загадзя.
Паводле ягоных слоў, рашэньне суду будзе абскарджанае. У Асанжа ёсьць яшчэ грамадзянства Аўстраліі. Акрамя таго, прэзыдэнт Мэксыкі Андрэс Мануэль Лопэс Абрадор прапанаваў даць яму палітычны прытулак.
