Канцлер Нямеччыны Ангела Мэркель сказала, што 2020 год быў самым цяжкім на яе памяці за ўсе 15 гадоў кіраваньня.
Прэзыдэнт Украіны Уладзімір Зяленскі згадаў лекараў, якія змагаюцца з COVID-19, і назваў іх працу подзьвігам. Асобна Зяленскі зьвярнуўся да жыхароў Данбасу і анэксаванага Крыму на расейскай мове. І заклікаў іх «перавесьці гадзіньнікі». З 2014 года на не падкантрольных Кіеву тэрыторыях выкарыстоўваюць маскоўскі час. У адказ прадстаўнік Крыму ў расейскім Савеце Фэдэрацыі прапанаваў усёй Украіне перавесьці гадзіньнік па Маскве.
Беларусы навагоднюю ноч адзначалі мітынгамі ў дварах. Людзі зьбіраліся з бел-чырвона-белай сымболікай. У Менску ў 23:34 многія людзі запусьцілі салют. Гэта нумар артыкулу адміністрацыйнага кодэксу ў Беларусі аб парушэньні парадку правядзеньня масавых мерапрыемстваў. Па гэтым артыкуле мітынгоўцаў прысуджалі штрафы за выхад на пратэсты. Аляксандр Лукашэнка ў сваім навагоднім звароце ён заявіў пра жаданьне разам «пісаць новую главу незалежнай Беларусі».
Лідэрка Сьвятлана Ціханоўская таксама зьвярнулася да жыхароў краіны і адзначыла, што ў мінулым годзе беларусы змогуць аб’яднацца.
Прэзыдэнт Расеі Уладзімір Пуцін выступіў з самым доўгім навагоднім пасланьнем за час свайго знаходжаньня на пасадзе. Яно доўжылася амаль шэсьць хвілін. Пуцін у сваім звароце чарговым разам адзначыў, што год быў цяжкім, і згадаў пра перамогу над нацызмам.
Ухань, Нью-Ёрк, пляж Копакабана, Менск, Бэрлін... Новы год на тле пандэміі ў фотаздымках
Сьвяткаваньне новага 2021 года ва ўсіх краінах сьвету прайшло з сурʼёзнымі абмежаваньнямі з прычыны пандэміі каранавірусу. Аднак у кітайскім Ухані, адкуль у канцы 2019 года пайшло распаўсюдзьце COVID-19, новы год сустракалі натоўпы людзей у цэнтры гораду. Паліцыя сачыла за тым, каб усе прысутныя былі ў ахоўных масках. Ужо некалькі месяцаў у горадзе, па афіцыйных дадзеных, амаль не было выпадкаў каранавірусу. Але ў іншых гарадах Кітая нядаўна быў заўважаны рост захворваньняў.
- На тэлевежы ў Пэкіне не дазволілі традыцыйнае сьветлавое шоў. Трафальгарская плошча ў Лёндане, Чырвоная плошча ў Маскве і плошчу Пуэрта-дэль-Соль у Мадрыдзе былі перакрытыя.
- На плошчы Сьвятога Пятра ў Рыме не было звыклай натоўпу людзей, Папа Рымскі не праводзіў сьвяточную імшу, ад традыцыйных навагодніх скачкоў у Тыбр таксама адмовіліся.
- У Сіднеі навагодняе піратэхнічнае шоў большасьць людзей глядзелі са сваіх вокнаў і па тэлевізары. Замест традыцыйных дваццаці хвілін фэервэрк доўжыўся ўсяго сем.
- Некаторыя гарады падобна Сіднею вырашылі запускаць фэервэркі над пустымі вуліцамі. Іншыя, як Лёндан і Парыж, зусім адмянілі салюты. У Парыжы, Рыме і Стамбуле дзейнічае камэнданцкая гадзіна.
- Знакамітая плошча Таймс-сквэр у Нью-Ёрку была амаль пустая з прычыны абмежаваньняў, зьвязаных з пандэміяй каранавірусу, піша «Голас Амэрыкі». Аднак сьвяточная праграма ўсё ж адбылася. Па традыцыі прыход Новага году сымбалізуе падзеньне крыштальнага шару, за якім упершыню з 1907 года не назіраў натоўп гледачоў. Замест гэтага працэс трансьляваўся ў прамым эфіры ў інтэрнэце і па тэлебачаньні.
