Польскія памежнікі ўначы на 10 лістапада непадалёк ад памежнага пераходу ў Кузьніцы знайшлі пакунак з 1,5 тысячы пачкаў цыгарэт, які ляжаў побач з рэшткамі паветранага шара.
Неўзабаве па цыгарэты прыехалі 48-гадовы паляк і 29-гадовы беларус. Іх затрымалі.
Яшчэ два пакункі выявілі за 10 км на поўдзень і поўнач ад папярэдняга. Адзін быў падчэплены да двух шароў, а цыгарэт у ім было 3 тысячы пачкаў. У другім было 1,5 тысячы.
Кошт кантрабандных цыгарэт ацанілі ў больш як 100 тысяч злотых (больш як 27 тысяч даляраў у пераліку).
Затрыманым пагражае зьняволеньне.
Форум