بلوڅې وویل چې د امنیت شورا په رپورټ کې دا هم راغلي چې ټي ټي پي په یو "پراخ سیمه ییز ګواښ او یا هم د نورو ترهګرو ډلو د ملاتړ په یو چتر بدلېدای شي."
د چین چنرال قونسل یانګ یودونګ د جولای پر ۳۰مه په کراچۍ پریس کلب کې خبریالانو ته وویل چې سیپیک او ګوادر د نړیوالو رابطو لپاره مهم بندر دی. هغه وویل چې د سیپیک په دویم پړاو کې به شخصي شرکتونه پانګونې ته راوبلل شي.
د خیبر ضلعي د پولیسو ویاند ظهیر خان اپریدي مشال راډیو ته وویل، چې د جولای ۳۰مې په شپه، په لنډي کوتل کې د پولیسو په ګزمه په هغه برید کې یو پولیس افسر او یو عادي وګړی ووژل شول او درې نور ټپیان شول.
د منصوبه بندۍ وفاقي وزیر احسن اقبال د جولای پر ۲۹مه، په اسلام اباد کې په يوه خبري غونډه کې وويل چې هېڅ ملا یا ډلې ته د خلکو د ایمانونو د فیصلو کولو اجازه نشته او که څوک داسې کوي نو ریاست به یې پر ضد له ټول قوته کار اخلي.
پولیس وايي چې دواړو ډلو تر نښتې وروسته په کراچۍ کې د یو بل پر کورونو هم حملې وکړې چې تر هغې وروسته پولیس او د رېنجرز ځواک سرتېري هلته ځای پر ځای شول او وضعیت یې کنټرول کړ.
شریف وویل چې پاکستان د خپلو وګړو "خوندي کولو ته چمتو" دی خو غواړي چې دا مسله په خبرو حل شي. "په افغانستان کې د طالبانو له حکومت سره په پاکستان کې د امن په اړه خبرې کول غواړو، مسایل باید د خبرو له لارې حل شي. مخکې مو هم ورسره رابطې وي او اوس هم دي.
لو وویل واشنګټن ۱۰۱ مېلیونه ډالر په پاکستان کې د جمهوریت او مدني ټولنې پیاوړتیا، د ترهګرۍ او سختدریځۍ پرضد د مبارزې، د اقتصادي اصلاحاتو او پر چین د هغه هېواد د اتکا (انحصار) مخنیوي لپاره لګول غواړي.
نور وښیئ
