په واشنګټن انسټېټیوټ کې څېړونکی ارون زېلېن وایي، د "حما سقوط یوازې د یوه چټک یرغل" زېږنده نه دی، بلکې د دې تهاجم د ځواک د دوام څرګندونه کوي.
د تاجکستان له سرښار دوشنبې سره نېږدې په شراره کلي کې یوه بې پیلوټه الوتکه پرېوتې چې ظاهراً پوځي ډرون برېښي. ځايي خلک وايي چې ډرون د برېښنا له تارونو سره تر جنګېدو وروسته پرېوتی خو چاودلی نه دی.
د روسیې پوځ د اوکراین د خارکیف سیمې له کوپیانسک ښاره یوازې څو کېلېومیټره لیرې ځای پر ځای شوی دی. په هغه ښار کې شاوخوا ۴،۰۰۰ کسان لا هم ژوند کوي. د مشال راډیو د روسي ټېلېوېژن خبریال بورېس سچالکو له ځايي خلکو سره په هغه جګړه ځپلې سیمه کې د ژوند پر څرنګوالي غږېدلی دی.
په فېنلینډ کې د ناټو زرګونه پوځیان د روسیې له پولې یوازې ۱۰۰ کېلومیټره لیرې په تمرینونو بوخت دي.
دا د یو داسې اوکرایني دوکاندار کیسه ده چې په رضاکارانه ډول یې د ځمکنۍ او ښاري دفاع کار پیل کړ او بیا یې مړی په بوچا کې د روسیو سرتېرو پرېښوولي سر دفتر سره نېږدې وموندل شو. د اولېکسي پوبهېای لاسونه تړل شوي ول او پر سر یې د مرمۍ زخم وو.
د امريکا د ولسمشر جو بایډن هغه پرېکړه، چې کییف ته يې اجازه ورکړې چې د امريکا لخوا په ورکړل شويو اوږد واټن ویشتونکو توغندیو سره په روسیه کې دننه ژور هدفونه په نښه کړي، په داسې وخت کې راځي چې پر اوکراین د روسيې د يرغل ۱۰۰۰ ورځې شوې دي.
اذربایجان سږ کال د ملګرو ملتونو د اقلیمي غونډې "کوپ ۲۹" کوربه دی. د دې غونډې په اړه نیوکې هم کېږي چې په هغه هېواد کې د تېلو لوی صنعت او د چاپيريال د ککړتيا خراب ریکارډ ته اشاره کوي.
د ایران کب نیونکي د څه مودې راهیسې په کیسپین سمندر کې زیات کبان نیسي. دا باوجود د دې ده چې په هغه سمندر کې د اوبو سطح په کمېدو ده.
په داسې حال کې چې پاکستان له تېرو څو کلونو راهیسې د بجلۍ له کمبوت سره لاس او ګرېوان دی، په دغه هیواد کې د شمسي بجلۍ بازار ګرم دی.
د امریکا د اوهایو ریاست ۳۹ کلن جېمز ډېويډ وېنس د رېپبلېکن ګوند لخوا د مرستیال ولسمشرۍ انتخابات ګټلي دي او د ۲۰۲۵ز کال په جنورۍ کې به د خپلې دندې لوړه کوي. وېنس وروسته تر هغې د سياست لاره خپله کړه چې د خپل ژوند د کړاوونو په اړه یې د کتاب په ليکلو سره شهرت وموند.
د اسوشيېټېډ پرېس اژانس او سي اېن اېن ټېلېوېژن په ګډون ګڼو امریکايي رسنیو خبر ورکړی دی چې ډانلډ ټرمپ د ولسمشرۍ څوکۍ ګټلو لپاره د اېلېکټورل کالج اړینې ۲۷۰ رایو په ترلاسه کولو خپلې مخالفې نوماندې کاملا هیرېس ته ماتې ورکړې ده. په دې اړه تفصیل د مشال راډیو د خبرونو مرکزي څانګې په رپورټ کې.
نور وښیئ
هېڅ میډیايي سرچینه اوس نشته
