روسیو ځواکونو څنګه د اوکراین بوچا کې یو دوکاندار وواژه؟
دا د یو داسې اوکرایني دوکاندار کیسه ده چې په رضاکارانه ډول یې د ځمکنۍ او ښاري دفاع کار پیل کړ او بیا یې مړی په بوچا کې د روسیو سرتېرو پرېښوولي سر دفتر سره نېږدې وموندل شو. د اولېکسي پوبهېای لاسونه تړل شوي ول او پر سر یې د مرمۍ زخم وو. نوموړی له هغو سلګونو کسانو یو وو چې یرغلګرو روسیو سرتېرو د ۲۰۲۲ز کال په مارچ کې وژلي ول. د مشال راډیو د خبرونو مرکزي څانګې د ثبت شویو ټېلېفوني خبرو، پخوانیو ناخپرو شویو ویډیوګانو، اسنادو او عیني شواهدو پر اساس د پوبېهای د ژوند او مرګ په اړه مستند جوړ کړی دی.