د حیدرخېلو د اوسېدونکو په خبره، وژل شوي ځوانان جاسیم الله، سید ملوک، او انضمام نومېدل، چې د يو بل خپلوان ول. په شمالي وزیرستان کې سږ کال دا د هدفي وژنو اوومه پېښه ده.
محمد سهېل اپرېدي د جنورۍ پر ۲۳مه، مشال راډیو ته وویل چې د ۱۸م اییني بدلون له مخې صوبايي حکومت په ټولو ضلعو کې د پرمختیايي چارو مسوول دی. ده وویل چې د وفاقي حکومت د اقدام په اړه یې د خیبر پښتونخوا له سرکاري وکیل سره خبرې کړې دي او عدالت ته ځي.
پوځي چارواکي ادعا کوي چې په دغه برید کې ځايي وسلوال قوماندان زیاب وژل شوی او د هغه د کورنۍ نور کسان ژوبل شوي دي. خو د میرلي بړوخیلو یو شمېر اوسېدونکو مشال راډیو ته ویلي چې ټول وژل شوي او ژوبل شوي کسان د ځایي خلکو د یوې کورنۍ غړي دي.
د پاکستان جیو نیوز ټېلېوېژن او ډان ورځپاڼې خبر ورکړی دی چې د جنورۍ پر ۲۲مه د اعلاوزیر علي امین ګنډه پور په مشرۍ غونډه شوې چې پکې د صوبې مشر سېکرټر، د پولیسو مشر او نورو چارواکو ګډون وکړ.
د پاړه چینار اوسېدونکي ارشاد حسين د جنورۍ پر ۲۲مه مشال راډيو ته وویل چې په قافله کې تر ۶۰ زيات واړه او لوی ګاډي شامل ول چې هغې سیمې ته یې خوراکي مواد، درمل، ګيس او نور اړین شیان رسولي دي.
د پاړه چینار یو ولسي مشر لایق حسین د جنورۍ پر ۲۱مه مشال راډیو ته وویل چې هغه ښار ته تلونکې لارې له شاوخوا څلورو میاشتو راهیسې تړلې دي چې له کبله یې هلته د خوړو، دواګانو، تېلو او د ورځنۍ اړتیا نورو شیانو زښت کمښت پیدا شوی دی.
د کورمې د پوليسو يوه چارواکي، چې له رسنیو سره يې د خبرو اجازه نه لرله، د نوم نه ښوولو په شرط مشال راډیو ته وويل چې په عملیاتو کې پوځ او سرحدي ځواکونو بګن بازار، ژړینې، سره غوړګۍ او شاوخوا سيمې نيولې دي.
د میرلي تاڼې پولیسو د جنورۍ پر ۲۰مه مشال راډيو ته په لېږدول شوي بيان کې ويلي دي چې وژل شوی تن عطاالرحمن نومېده چې د طوري خېلو اوسېدونکی او د يو سرکاري ښوونځي استاد وو.
ايمل ولي خان د جنورۍ پر ۲۰مه په پېښور کې خبریالانو ته وويل، تر څو چې د پاکستان ریاست په اخلاص د وسلوالو د ختمولو پرېکړه نه وي کړې، تر هغه به د پښتنو په سیمو کې امن رانشي.
نور وښیئ
