پښتونخوا او قبایل

د تورخم دروازه د هر ډول تګ راتګ لپاره پرانیستل شوه

په تورخم کې د پاکستان د ګمرکاتو یا کسټم چارواکي مشال راډيو ته وویل چې د دواړو خواوو د چارواکو تر پرېکړې وروسته د فبرورۍ د ۲۵مې د سهار له شپږو بجو د تورخم لاره پرانیستل شوې ده.

په تورخم کې په "موقتي ډول" د خلکو تګ راتګ بیا پیل شوی دی

د طالبانو د حکومت چارواکو د فبرورۍ پر ۱۹ مه د تورخم دروازه تړلې وه چې تر هغې وروسته د پاکستان لوري ته ټول سرکاري دفترونه وتړل شول او دوه اړخيزه تجارت ودرېد. د پاکستان او افغانستان د سوداګرۍ خونې مشر ویلي چې تر ۶،۰۰۰ پورې په سامانونو بار ټرکونه د تورخم پولې دواړو خواو ته ولاړ ول.

چارواکي: د "تخنیکي چارو" تر بشپړېدو وروسته پر تورخم وره تګ راتګ پیلېږي

د طالبانو د حکومت چارواکو د فبرورۍ پر ۱۹ مه د تورخم دروازه تړلې وه چې تر هغې وروسته د پاکستان لوري ته ټول سرکاري دفترونه وتړل شول او دوه اړخيزه تجارت ودرېد. د پاکستان او افغانستان د سوداګرۍ خونې مشر ویلي چې تر ۶،۰۰۰ پورې په سامانونو بار ټرکونه د تورخم پولې دواړو خواو ته ولاړ ول.

د نرښځیانو ټولنه له حکومته امنیت غواړي

ریاض دا څرګندونې تر هغې وروسته کړې دي چې د فبرورۍ پر ۱۹مه شپې دوه بجې وسلوالو هغه مهال د ښار په تاج چوک کې د نرښځيانو پر موټر ډزې وکړې چې هغوی له یو پروګرامه خپلې دېرې ته ستنېدل. په هغه برید کې د ماه نور په نوم نرښځۍ وژل شوې وه او بل نرښځی ژوبل وو. 

اېمل ولي خان وايي ګوند یې د قامي اسمبلۍ په ضمني ټاکنو کې برخه نه اخلي

تر عوامي نیشنل ګوند وړاندې په وفاقي حکومت کې شریکو یوشمېر لویو ګوندونو پاکستان مسلم ليګ (ن)، پاکستان پيپلز ګوند او جمعیت علمای اسلام فضل الرحمان ډلې هم وار له مخه له هغو ټاکنو پرېکون کړی دی.

د تورخم دروازې تړلو له کبله د خلکو او ټرانسپورټرانو ستونزې زیاتې شوې دي

د افغانستان لورې ته د طالبانو د حکومت چارواکو د فبرورۍ پر ۱۹ مه د تورخم دروازه تړلې وه او له هغه وروسته د پاکستان لورې ته هم ټول سرکاري دفترونه تړل شوي او دوه اړخيزه تجارت درېدلی دی.

حکومت وايي د شمالي وزیرستان بې کوره شویو ته تازه مرستې ورکوي

په خېبر پښتونخوا کې د قدرتي افتونو پر وخت د انتظام ادارې ویلي چې د شمالي وزیرستان د کډوالو لپاره یې تازه فنډونه جاري‌ کړي دي. 

علي وزیر څه باندې ۲ کاله وروسته د خپلې انتخاباتي حلقې له اوسېدونکو سره لیدلي

د پښتون ژغورنې غورځنګ (پي ټي اېم) مخکښ او په قامي اسمبلۍ کې د جنوبي وزیرستان استازی علي وزیر څه باندې دوه کاله وروسته په واڼه کې د خپلې حلقې له اوسېدونکو سره لیدلي دي. نوموړی د ۲۰۲۰ز کال له ډېسېمبرراهیسې د ریاست پرضد د ویناګانو او د خلکو پارولو په تور بندي وو. واڼه ته د نوموړي ورتګ په اړه رپورټ.

په شمالي وزیرستان کې وسلوالو یو ځايي وګړی وژلی دی

د فبرورۍ ۱۸مې له پېښې سره په شمالي وزیرستان کې سږ کال د هدفي بریدونو شمېر پینځه ته ورسېد. په شمالي وزیرستان کې هدفي بریدونه له یوشمېر کلونو راهیسې روان دي چې پکې ګڼو خلکو ته مرګژوبله اوښتې ده. 

په شمالي وزیرستان کې د کرېکټ په لوبغاړو برید شوی

د میرلي تاڼې یو پولیس چارواکي او د سیمې اوسیدونکو د فبرورې پر ۱۷مه مشال ریډیو ته د دې وژل شوي ځوان پېژندګلوي د پیر قاسم شاه په نوم کړې.

خیبر پښتونخوا: د مذهبي لږکیو د هدیرو لپاره د مځکې منظوري ورکړل شوه